O leetar ole Pool a bindna GIMU WE NGENNA ROM 8:23 - NQAARIIT NE ROOG

²³ Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

O leetar ole Pool a bindna GIMU WE NGENNA ROM 8:23 Referans Kwoze

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

Efees 1:14

Yiif Tedu le kaa ref a ƭegeer njigand no paax ke Roog a geekanna a in. Kaa woornaa a in ee xan i pokoox keene fop, yaa a bat ale in a fadnooxkaa. Neene, xan o ndam onqe Roog a simatel.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

Galati 5:5

In koy, i yaakaara yee xan Roog a jofandit a in o ngim. Keene i cungaa no Yiif Tedu le Roog.

O leetar ole Pool a bindna GIMU WE NGENNA ROM 7:24

Ndaw o kiin o toroxu xe refuuma! O koo, an na mucilkaxam no cer es kene na ƥiskaxam na fa nqon?

O leetar ole Pool a bindna GIMU WE NGENNA ROM 8:19

Ke Roog a sakna fop a taya o nga yaa Roog a feeñilkaa xa ƥeem kam o ndam den.

YEGIL MBAAX NE YEESU ne Lik a bindtuuna 20:36

Mbaagkatee o nqon sax, yaam xan a nandat fo malaaka ke, soo a ndefat xa teɓandoong Roog, yaam ne da ndeefna na qontax ale.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

YEGIL MBAAX NE YEESU ne Lik a bindtuuna 21:28

Nu nga’angaa keene fop a xewiidaa, njofdandooxyo ndaxaaƴoox, too and ee a bat ale nuun oxe matiidaa.»

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.

O leetar ole Pool a bindna GIMU WE NGENNA ROM 5:5

Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

2 Korint 7:5

Naa i mbadiidu Makedoni, jegee maa cer in a mbaagna o ñootnoorit. Kaa i ƥiiklel o saax oo saax, ñoxoreel, a qeeñ in a ngen no sendaa.

2 Caloori ke 31:5

Ye kebil neene a nannooxna muu refna, Ii-isra’el we a ƥisiida mayu no ke eetna o foor no duufe le den: Na bele fee, na biiñ fa nqas fee, na diwliin fee, no suum ke fo no ke xa qol axe den fop a mbatna. A ƥisiida itam mayu na seek xarɓaxayandeer ake no fop.

O leetar ole Pool a bindna GIMU WE NGENNA ROM 5:3

Kupu keene sax, kaa i moƴ o mbelakinooxaa kam coono ke, yaam i anda yee coono na rimaa o saƭkel,

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

1 Korint 1:7

boo ten taxu nu ñakee ci’it leng, yaa nu cungaa o Yaal in Yeesu Kiristaa a feeñ.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.