O leetar ole Pool a bindna GIMU WE NGENNA ROM 8:22 - NQAARIIT NE ROOG

²² Mee ndax i anda yee boo no ñaal ne xaye pindel ke fop na xa iin a ndefu, a ƭomeel boo nen o tew oxaa na gaajooxaa.

O leetar ole Pool a bindna GIMU WE NGENNA ROM 8:22 Referans Kwoze

Yeremi 12:4

Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Yeremi 12:11

A ruudne, a ref na naqad, a ruud mbaambir es. Saax le fop a raada, too haalee o leng.

YEGIL MBAAX NE YEESU ne Saŋ a bindtuuna 16:21

O tew a naagangaa o gaajooxaa, kaa ɗomeel lool, ndaa boo andoona yee a muca, wetandooxkatee dara no ƭomel ole, yaam o ɗaay ole ta jegna no ƥeem.

O leetar ole Pool a bindna GIMU WE NGENNA ROM 8:20

Pindel ke fop kaa yen no kaa jegeerna muj fa leng. Refee koy no kaa felna a den, ndaa Roog sax sax fi’un. Yaqanee koy yaakaar a jega,

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

Mbeeñil 12:2

Kaa reeƭu na pe um, soo a foygooxaa, yaam ne ta gaajooxoogna.

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

A kim a tedu ke 48:6

ndaa a njaaxɗa no ke da nga’na, a ndiid soo a ngod o joor.

A paɗax ale 26:35

Kaam ee lanq ke xan a ñar, ndax ta rondand xa ñar axe nu mbar’uuna o ci, ye nu ngenaa teen.