O leetar ole Pool a bindna GIMU WE NGENNA ROM 8:19 - NQAARIIT NE ROOG

¹⁹ Ke Roog a sakna fop a taya o nga yaa Roog a feeñilkaa xa ƥeem kam o ndam den.

O leetar ole Pool a bindna GIMU WE NGENNA ROM 8:19 Referans Kwoze

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

A pi ake 3:21

Ndiiki koy, Yeesu a wara o moof na asamaan boo na jamaane faa Roog a xembandatinkaa fop, ne ta layit’uuna yaaga, a reefandin no duleer tedu we ten.

Esayi 65:17

«Iyo, xam sakatin asamaan fa nqas fo lanq qas. Ke faafna wetandooxkataand muk, yiif gomkatiran sax.

Mace 5:9

We na sakaa jam a ƭaaya, yaam xan Roog a xoy a den xa ƥeem!

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

O leetar ole Pool a bindna GIMU WE NGENNA ROM 8:14

We Yiif le Roog a ɗoxaa fop, xa ƥiy Roog a ndefu.

O leetar ole Pool a bindna GIMU WE NGENNA ROM 8:16

Yiif le Roog fa xoox um sax kaa woornaa a yiif in ee xa ƥiy Roog i ndefu.

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

O leetar ole Pool a bindna GIMU WE NGENNA ROM 9:26

Me da laytoogeena yee: ‹Nu ndefee xeet es›, maaga, xan a nqoyateel xa ƥiy Roog fa ñoow jok fee.»

1 Korint 1:7

boo ten taxu nu ñakee ci’it leng, yaa nu cungaa o Yaal in Yeesu Kiristaa a feeñ.

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Kolos 3:4

Yaa Kiristaa fee refna o ñoow nuun a feeñkaa, nuun itam, xan nu mbeeñ fo ten no ndam.

Hebre 12:27

Xa ƭelem axeene ndefna «jaf leng ahin», kaa laltaa yee ke sakeena fop xan a jiƭtoox, a sooƴ, ndax ke waagaandeena o yo’in a sax boo faw.

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.