O leetar ole Pool a bindna GIMU WE NGENNA ROM 8:15 - NQAARIIT NE ROOG

¹⁵ Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

O leetar ole Pool a bindna GIMU WE NGENNA ROM 8:15 Referans Kwoze

2 Timote 1:7

Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

1 Korint 2:12

In koy, i ndaawee yiif adna, ndaa le inoorna na Roog, ndax i mbaag o andid ke Roog a ci’na a in na yirmande.

O leetar ole Pool a bindna GIMU WE NGENNA ROM 8:16

Yiif le Roog fa xoox um sax kaa woornaa a yiif in ee xa ƥiy Roog i ndefu.

Hebre 2:15

Neene, a wata we ndeeƭna faɗ no ñoow o ñis den fop, yaam a saɗaroogu fa nqon.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

1Saŋ 4:18

Caƭar refee kam o mbeq, ndaa o mbeq o ñaku sik kaa raxaa caƭar. Muu caƭar a refna, a qaw kaa foogooxeel, too oxe na saɗaraa, o mbeq um a jega sik.

Mark 14:36

Kaa layoogu yee: «Aba, Faap, dara xoxirang! Riƈatanaam o kaas coono olene. Kaa koy, baa jegit ne bugtanuuma, ndaa ne bugtanoona.»

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

Esayi 56:5

xam ci a den kam tabax ke no Mbind ne mi a seek fo gon laa moƴna xa ƥiy xa koor fo xa tew. Xam coox a den gon laa ñufkateerna boo muk.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

YEGIL MBAAX NE YEESU ne Lik a bindtuuna 11:2

Yeesu a laya a den ee: «Boo nu nqeɗaa, layyo yee: Faap, yaasam gon of a tedleel! Yaasam maat of a fadiid!

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

YEGIL MBAAX NE YEESU ne Lik a bindtuuna 22:42

too a lay ee: «Faap, o bugangaan, riƈatanaam o kaas coono lene! Kaa koy, baa jegit ne bugtanuuma, ndaa ne bugtanoona.» [

YEGIL MBAAX NE YEESU ne Saŋ a bindtuuna 16:8

Boo ta garna, xan a andnoor adna fee yee na bakaad a ndefu, a lal a den o cofel, a diƈ mbaambir den hate:

A sutax ale 20:19

A laya a Moyiis ee: «Layi fa in wo fa xoox of, too yaaga xan i nan-giloox. Kaa koy, baa Roog a lay fa in muk, yaam ndik i nqon.»

A pi ake 16:29

Maaga, o yeeyetax oxaa na kaso faa a simta o heƥandanel, a siip a rok kam a ndok alaa, soo a yen na caf ake Pool fa Silaas, a diid boo a sendaa.

A pi ake 2:37

Yaa da nanna fa lay faaga, cer den a ñaaƴa, too a laya a Piyeer fo apootar lakas waa yee: «Fog we, xar i mbaru o mbi?»

YEGIL MBAAX NE YEESU ne Lik a bindtuuna 8:37

Yaa waa no saax laa no Geegerasin we a nanuuna, a nqetooxiida a Yeesu, soo a nqeɗooxin ndax ta sutoox saax den, yaam kaa ndiid’u lool. Cinj kaaga, Yeesu a roka no suk, ndax ta nomtoox.

YEGIL MBAAX NE YEESU ne Lik a bindtuuna 8:28

Yaa ta ga’na a Yeesu, a wuuqa, soo a dig a gooknoox paam a caf um, too a lay a maak ee: «Yeesu wo fee refna o Ƥeenqe Roog fee Took-ee-took! Xar bugaxamo o fi? Waay waay, ba o xijlaam!»

A lim ale 17:12

Maaga, Aaroon a fi’a ke Moyiis a lay’uuna, a ƴuf a ndeer xeet faa too a ga’a xil ee taamaala fee a ferooxa. A doxa cuuraay soo a jofoorand Ii-isra’el we fo o Yaal oxe.

Saak 2:19

Gimaa yee Roog fa leng soom jegu. Keene paax oo, ndaa cini ke sax sax a andaan, too a mbitaan.

O leetar ole Pool a bindna GIMU WE NGENNA ROM 8:26

Neene koy Yiif Tedu le kaa garaa, a dimle’iid a in, in we neewna doole. I naangee o andaa sax ne i mbarna o nqeɗit a Roog, ndaa Yiif le fa xoox um kaa xeɗanaa a in fo a yuɗnax alaa waagaandeena o lay.

O leetar ole Pool a bindna GIMU WE NGENNA ROM 9:4

Weene ndefu Ii-isra’el we, too Roog a fi a den xa ƥeem. A feeñla a den o ndam onqe ten, a dalin fa den kiɓoor ke ten, a coox a den kebil ke fo a tegit ake ten, soo a andnoor a den ne ta wareena o faɗoorit.

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

Galati 2:4

A jeg’a koy waa ƥerexoogna a ndeer in, too ndeeƭee gimu. Weene o mat mbug’u o nqucnoor a Tiit. Kaa ƥerex a ndeer in ndax da ngoroox o daaw ole i njeg’ina na Kiristaa Yeesu. Kaa mbug’u o ƥakand a in no mbaƭ ne kebil ke a ndalinna,

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

Mace 25:25

Kaam diid’u boo ten taxu ye retoona, um dalfoox o ɗasnik ke doxin’axamoona kam lanq ke. Am, jangi ke jegoona!›