O leetar ole Pool a bindna GIMU WE NGENNA ROM 8:14 - NQAARIIT NE ROOG

¹⁴ We Yiif le Roog a ɗoxaa fop, xa ƥiy Roog a ndefu.

O leetar ole Pool a bindna GIMU WE NGENNA ROM 8:14 Referans Kwoze

Galati 5:18

ndaa koy, a refangaa yee Yiif le Roog na ɗoxaa a nuun, nu ndefee faɗ no kebil ke.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Galati 5:16

Mexe layaa boog ee nqaƴyo Yiif le Roog a ɗox o ñoow nuun, too yaaga nu mbi’kee ke cer ke nuun a yaawaa.

A kim a tedu ke 143:10

Aqatinaam um fi’aa ke feloonga, yaam wo refu Roog es. Fat Yiif faaxu le wo a ɗoxaam no lanq podru.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

O leetar ole Pool a bindna GIMU WE NGENNA ROM 8:5

We na ñoowaa no ke cer ke a mbugna, buge-buge fee no cer ke a topatooxaa, ndaa we na ñoowaa no ke Yiif le Roog a bugna o mat, o bug ole no Yiif le a topatooxaa.

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

O leetar ole Pool a bindna GIMU WE NGENNA ROM 8:19

Ke Roog a sakna fop a taya o nga yaa Roog a feeñilkaa xa ƥeem kam o ndam den.

O leetar ole Pool a bindna GIMU WE NGENNA ROM 9:8

Keene kaa tekit ee fog no tim ole Abraham soom taxee o ref o ƥiy Roog. Xa ƥeem ndefu we mbogna na tegit ale, too sax weene a ƭeete tigi nen xa taan axe Abraham.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

Xa peƭit axe 8:20

Kaam ñaaƴaa na ƭat ale no ndigil ne, reefaa ndeer ee ndeer a qal ale no cofel ole,

O leetar ole Pool a bindna GIMU WE NGENNA ROM 9:26

Me da laytoogeena yee: ‹Nu ndefee xeet es›, maaga, xan a nqoyateel xa ƥiy Roog fa ñoow jok fee.»

Mace 5:9

We na sakaa jam a ƭaaya, yaam xan Roog a xoy a den xa ƥeem!

Galati 4:5

A gara, ndax ta wat we ndeeƭna faɗ no kebil ke, too a fi a in xa ƥiy Roog.

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.