O leetar ole Pool a bindna GIMU WE NGENNA ROM 7:8 - NQAARIIT NE ROOG

⁸ Maaga, kebil ne a ci’tu bakaad fee o gom, boo ta ɓek na mi a yaaw a pagkatar a ƥor, yaam a reeƭangee kebil ne, bakaad a naag faq a xon.

O leetar ole Pool a bindna GIMU WE NGENNA ROM 7:8 Referans Kwoze

O leetar ole Pool a bindna GIMU WE NGENNA ROM 7:11

Bakaad fee kaa jegit o gom no kebil ne, a naxaam, soo a wartaam o ten.

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

YEGIL MBAAX NE YEESU ne Saŋ a bindtuuna 15:22

Um layiid’angee fa den, njegkoogee bakaad, ndaa ndiiki, ye da andna ndigil ne, soo a mbañin o ndeef, njegkee qañatiloor.

O leetar ole Pool a bindna GIMU WE NGENNA ROM 7:17

No ndigil, refatee yee mi na fi’aa keene, ndaa bakaad fee genna na mi na fi’an.

YEGIL MBAAX NE YEESU ne Saŋ a bindtuuna 15:24

Um fi’’angee a ndeer den a pi akaa o leng a moseerna o fi, njegkoogee bakaad. Ndiiki koy, a nga’a a den boo a ƈut, soo a sibaam, a sib a Faap es.

Mark 7:22

fo ceeq ke fo bug xaaliis fo coxod ne fo naxir ke fo a pi a parƴu ke no cer ke fo ciisir ke fo a ben ake fo a magnandax ale fo o ñak-xoox ole.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

O leetar ole Pool a bindna GIMU WE NGENNA ROM 7:9

Yaaga andafuliim kebil ne, kaam ñoowoogu, ndaa ye kebil ne a fadiidna koy, bakaad fee a ñoowa na mi,