O leetar ole Pool a bindna GIMU WE NGENNA ROM 7:7 - NQAARIIT NE ROOG

⁷ Xar i mbaru o lay boog? Ndax kebil ke bakaad oo? Ha’aa o mat! Kaa koy de, kebil ke taxu um and bakaad, yaam andkoogiim a yaaw, yaa kebil ke a lay’eerna yee «yaawkiro!»

O leetar ole Pool a bindna GIMU WE NGENNA ROM 7:7 Referans Kwoze

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

A sutax ale 20:17

Yaawkiro mbind no kend of. Yaawkiro o tew no kend of mbaat surga um mbaat o mbindaan um mbaat qoox um mbaat o faam um mbaat tig lakas kaa ta jegna.»

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

A cangatin ale 5:21

Yaawkiro o tew no kend of mbaat mbind um mbaat o qol um mbaat surga um mbaat o mbindaan um mbaat qoox um mbaat o faam um mbaat tig lakas kaa ta jegna.›

O leetar ole Pool a bindna GIMU WE NGENNA ROM 13:9

Kebil ke Roog ndefna «Seeqkiro!» fo «Warkiro o kiin!» fo «Guuɗkiro!» fo «Yaawkiro!» fo lakas ke, no kebil leng nene a muukooru, ta ref «Fat o fex o kend of nen a xoox of.»

O leetar ole Pool a bindna GIMU WE NGENNA ROM 7:8

Maaga, kebil ne a ci’tu bakaad fee o gom, boo ta ɓek na mi a yaaw a pagkatar a ƥor, yaam a reeƭangee kebil ne, bakaad a naag faq a xon.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Efees 5:3

Nuun, na xeet fee Roog nu mbogu. Ten taxu nu ndeyee o moof, layeel kaa jofna no ceeq mbaat no caasaay mbaat na yuxum a paaxeer.

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

O leetar ole Pool a bindna GIMU WE NGENNA ROM 7:11

Bakaad fee kaa jegit o gom no kebil ne, a naxaam, soo a wartaam o ten.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

O leetar ole Pool a bindna GIMU WE NGENNA ROM 4:1

Xar i laykaa boog na Abraham fee o taan in? Xar a daawu nen o kiin?

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

YEGIL MBAAX NE YEESU ne Lik a bindtuuna 12:15

Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

A kim a tedu ke 119:96

Ga’aam ee kuu refna a jega muukandoong, ndaa kebil of o mat, o yaajel den jegee hap.

2 Sami’el 11:2

No kirand leng, Dawid a inooxa me ta wondoox’ina, a foƭtaa a caf um no dung-took ole no mbind no maad ne. A foda maaga, a ƴook o tew o mosu xaa na ɓogooxaa.

Yosuwe 7:21

kaam ga’’u no cangale ke sabadoor mosu naa inoorna Sine’aar fo xa monjong teemeed ƭik xaaliis fa nqoolu fo muul wurus laa o meɗel um a fi’na liibar, yaaw a den lool soo xot a den. Ndiiki koy, owaay ɗasnuuma, gas a den ndeer ee ndeer ƭiif es, xaaliis fee a adoox.»

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

Hebre 7:19

yaam kebil ke Moyiis mbaagee o tax o leng a ñak sik. Kaa koy, yaakaar ne moƴna a jega, too a taxa i matiid a Roog.