O leetar ole Pool a bindna GIMU WE NGENNA ROM 7:5 - NQAARIIT NE ROOG

⁵ Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

O leetar ole Pool a bindna GIMU WE NGENNA ROM 7:5 Referans Kwoze

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

1Saŋ 3:4

Oxuu genna na bakaad, a ɗapa kebil ke Roog itam, yaam bakaad refu ɗap kebil ke.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

Saak 4:1

Maafir ke fo qasir ke a ndeer nuun, mam a inooraa? Oxe inooraa na yuxum ake ngenna no ñoxoraa no cer nuun.

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Efees 2:11

Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 6:19

Kaam yooɓandataa fa lay es yaam ne o and nuun a jaakeerna. Yaaga, kaa nu ƥoxotoox’u fo cer nuun fop nen faɗ waa na njalanaa qoolaƭaru fo paaxeer, boo nu siiknoor fa Roog. Neene itam, fat nu ƥoxotoox fo cer nuun fop nen faɗ waa na njalanaa o cofel ole, ndax o ñoowooƭ nuun a ted.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

O leetar ole Pool a bindna GIMU WE NGENNA ROM 1:26

Ten taxu Roog a xaƴ a den na yuxum a sednooxu boo ta tax rew we a mbaas gor den, a mbesanraa a ndeer den.

YEGIL MBAAX NE YEESU ne Saŋ a bindtuuna 3:6

Kuu cer a ndimna no cer a fogu, too kuu hatna no Yiif le Roog, no ten a fogu.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

2 Korint 10:3

Ndigil oo fe, nen njer no kiin i ñaaƴtaa, ndaa koy i naangee o ñoxorteel ngiin in.