O leetar ole Pool a bindna GIMU WE NGENNA ROM 7:21 - NQAARIIT NE ROOG

²¹ Ga’aam boog ee mbanuu buguuma o fi paax, paaxeer rek um fi’aa.

O leetar ole Pool a bindna GIMU WE NGENNA ROM 7:21 Referans Kwoze

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

O leetar ole Pool a bindna GIMU WE NGENNA ROM 6:12

Yaaga boog, baa bakaad fee a maadooxat muk kam cer qooxon ke nuun, too ba nu ndeefat ke da yaawaa.

A kim a tedu ke 119:133

Saƭkandti o jaf es o ñuxur of, too ba o xaƴ paaxeer leng a hupaam doole.

2 Piyeer 2:19

Kaa ndegaa a den ee xan a njeg a qoox den, too yaaga fop oo, den fa qoox den kaa ndef faɗ no fi kaa na ɓisaa na fa nqon. Oxuu refna, o paɗ no xe ta nananna a refu.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

YEGIL MBAAX NE YEESU ne Saŋ a bindtuuna 8:34

Yeesu a doona a den ee: «No ndigil, no ndigil, mexe layaa a nuun ee: Oxuu na fi’aa pakaad, o paɗ bakaad oo.

A kim a tedu ke 119:37

Fegi a kid es boo ƭeetkee xa koɓong, too fi um ñoowaa na ƭat of.

YEGIL MBAAX NE YEESU ne Lik a bindtuuna 4:1

Yaa Yeesu a inoorna no xuluɓ ole Yordaan, a gataa, a maya fo Yiif Tedu le. Yiif le a ɓisaan na koƥ-a-ƥor alaa.

A kim a tedu ke 65:3

yaam kaa o nan-gilooxaa a qeƭ ake. Wiin we fop owe ngaraa me wo.

A kim a tedu ke 40:12

Wo o Yaal oxe, xañkiraamo yirmande of, too o mbeq of fo ndigil of xan a ngen no saytooxaxam.

O leetar ole Pool a bindna GIMU WE NGENNA ROM 7:25

Yeesu Kiristaa fee o Yaal in oo! Yaasam Roog a ɓoxotel o ngidim no ten! Neene boog, na pexey o jeg-yiif es kaam nananaa kebil ke Roog, ndaa no cer es koy, o paɗ no ke bakaad fee a heblaa refum.