O leetar ole Pool a bindna GIMU WE NGENNA ROM 7:18 - NQAARIIT NE ROOG

¹⁸ Andaam ee ke faaxna genee na mi, ta ref no cer es, yaam naagaam o bugaa o fi paax kañ, ndaa o fadnin na xoxaxam sup.

O leetar ole Pool a bindna GIMU WE NGENNA ROM 7:18 Referans Kwoze

YEGIL MBAAX NE YEESU ne Saŋ a bindtuuna 3:6

Kuu cer a ndimna no cer a fogu, too kuu hatna no Yiif le Roog, no ten a fogu.

A kim a tedu ke 51:5

Anddilooxaam tooñ es, too bakaad es oxey cay mbaambir es.

Galati 5:17

Ke cer ke nuun a yaawaa fogree fo ke Yiif le Roog a bugna, too ke Yiif le Roog a bugna a guutatira fo ke cer ke nuun a yaawaa. Mbaagraƭar neene refna a ndeer ke cer ke a yaawaa fo ke Yiif le Roog a bugna taxu nu naangee o mbi’aa ke nu mbugkoogna o mbi,

O leetar ole Pool a bindna GIMU WE NGENNA ROM 7:25

Yeesu Kiristaa fee o Yaal in oo! Yaasam Roog a ɓoxotel o ngidim no ten! Neene boog, na pexey o jeg-yiif es kaam nananaa kebil ke Roog, ndaa no cer es koy, o paɗ no ke bakaad fee a heblaa refum.

Ke bindeena no xe ne’eena YOB 14:4

Kaa xoolna waagee o suttel muk no kaa xoolaƭaritna nen o kiin!

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

O leetar ole Pool a bindna GIMU WE NGENNA ROM 7:19

Naagiim o fi’aa paax ke buguuma, ndaa paaxeer ke bugeeruuma um fi’aa.

O leetar ole Pool a bindna GIMU WE NGENNA ROM 7:15

Andiim ke taxna um fi’aa ke um fi’aa. Naagiim o fi’aa ke buguuma, ndaa kaam fi’aa ke um sibaa.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Filip 3:12

Refee koy ee kaam daaw a laay ale boo ƴut mbaat um fad no ñak-sik, pokin ne Kiristaa a pokit’axama.

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

A kim a tedu ke 119:176

Kaam joqooyooxaa nen mbaal mo’u. Gari waaƭiidaam, mi fee o tag of, yaam weeciim muk kebil of.

A kim a tedu ke 119:40

Bargal of um diilooxaa, fi’i um ñoowaa no cofel of.

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

A kim a tedu ke 119:173

Fat o ɓay of a dimle’aam, yaam kaam jil bargal of.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

A kim a tedu ke 119:5

Koo, yaasam ba um ɗap a ƭat es, ndax um gayaa ke dalnoona.

A kim a tedu ke 119:32

Kaam ƴufaa na ƭat ale no kebil of, yaam dalnaa o laaw es.