O leetar ole Pool a bindna GIMU WE NGENNA ROM 7:14 - NQAARIIT NE ROOG

¹⁴ I anda koy o mat ee kebil ke, na Roog a inooru, ndaa mi, kaam ref o kiin o keesu xaa na dagooxaa bakaad.

O leetar ole Pool a bindna GIMU WE NGENNA ROM 7:14 Referans Kwoze

1 Maad we 21:25

Mosee o jeg oxaa jikooritna a xoox um nen a Ahab, ndax ta fi paaxeer na kid no Yaal oxe. Isebel fee o teem o mat riñ’un teen.

2 Maad we 17:17

Kaa ndoxoogu xa ƥiy xa koor axe fo xa tew axe den nen sadax, a ƭeetaa, a ñango’aa soo a njikoox a qoox den, ndax da mbi paaxeer na kid no Yaal oxe, a mbuuxnoorin.

1 Maad we 21:20

Ye Ahab a ga’na a Eliya, a layaan ee: «Ey! O pañ oxe mi, garahinaa de!» Eliya a doonaan ee: «Ii, garahinaam moos, yaam kaa o jikooxaa a xoox of, ndax o fi paaxeer na kid no Yaal oxe.

O leetar ole Pool a bindna GIMU WE NGENNA ROM 7:18

Andaam ee ke faaxna genee na mi, ta ref no cer es, yaam naagaam o bugaa o fi paax kañ, ndaa o fadnin na xoxaxam sup.

Esayi 52:3

Keeke o Yaal oxe a layu: «Kaa nu ƥoxot’el nen faɗ o meere-meere, too o fiftin rabidkaand yaa nu mbatkeel.»

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Xa peƭit axe 30:5

Xa ƭelem axe Roog fop kaa ƭeetlooxel. Kaa ref pegoor no we na njaɓnooxaa no ten.

A kim a tedu ke 119:25

Mexe luuñaa no fo ut ole, fi’i um ñoowaa no ke hatna no don of.

YEGIL MBAAX NE YEESU ne Lik a bindtuuna 7:6

Maaga, Yeesu a yoona fa den. Yaa da matiidna mbind naa, o aa-adax no xiixire teemeed oxaa a lula qaariit um, da nqetook a Yeesu, too a layaan ee: «O Yaal oxe, deyee o garaa, jombaa o rok no mbind es.

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mace 18:25

Ye ta jegeerna ndabid, o yaal mbind um a hebla yee ta jikooxel, ten fo o teem fo xa ƥeem fo ke ta jegna fop, ndax ta rabditel o lad olaa.

Mace 16:23

Kaa koy, Yeesu a geleerooxa, soo a layin ee: «Saytaane, riƈatooxaam! Kaa o bugaam o tolofnoor, yaam a qalaat of mbogree fo a qalaat Roog, a qalaat no kiin oo.»

Amos 2:6

Keeke o Yaal oxe a layu: «Felaam o jaf no Ii-isra’el we a caf a tadak boo na nahak sax, ta dak no paaxeer. Kaa sofit o ñis no cofu xe xaaliis, o ndool onqe da ndoomin no peer xa ñaaƭ. Ten taxu o ɓay es ole yoɗooxna waagee ñak o dal:

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

Xa peƭit axe 30:2

Andaam ee mi moƴu fanxoy oxuu ga’oona too saqiim o jeg-yiif no kiin.

A kim a tedu ke 51:6

Tooñaaxoong, wo soom, fi paaxeer na kid of. O hate’angaam, kaa war, too o xawangaam, a ƭat oo.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

A cangatin ale 6:5

Xan o fex o Yaal oxe Roog of no xeeñ of fop, no laaw of fop fo na doole of fop.

A paɗax ale 19:18

Ba nu ndabdinoox, too ba nu mbuuxan o pog nuun. Fat oxuu refna a fex o kend um nen a xoox um. Mi refu o Yaal oxe.

A sutax ale 22:3

A soƥangaa koy ee njegel ne ta guuɗna, ta ref nqoox mbaat o faam mbaat mbaal mbaat fambe, kaa soƥel a ñoowaa no mbind ne no kuuɗ oxe, fat oxeene kiin a nomit njegel neene soo a doon teen lakas.»

Mberaand 40:15

yaam kaam ɓistiidel no saax laa no Hebre waa took o hup doole, too meeke refuuma sax fi’iim dara kaa jarna o wegel.»

Mberaand 37:36

Maamajan we a ƥisa a Yoseef Misira, soo a njikooxin a Potifaar fee o leng no kelfa ke Firawon too a ref o aa-adax oxe no yeeyetax we.

Mberaand 37:27

Ngaryo i njikooxin Ii-isma’el we, ndaa ba i mbartin xa ƥay in, yaam o ndeɓ in a refu, i mbog fo’oy fo leng kut ole!» Fog faap we ten a nan-gilooxaan, too a njaɓa ke ta layna.

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

O leetar ole Pool a bindna GIMU WE NGENNA ROM 3:9

Xar i laykaa boog? Ndax in Yaawuur ngupu wiin lakas we? Muk! Yaam i njaɓa yaaga yee Yaawuur we mbaat we ndefeerna Yaawuur, den fop, owe na sañ-sañ bakaad.

O leetar ole Pool a bindna GIMU WE NGENNA ROM 6:6

Fat i and a paax ee o kiin o kiid oxe i ndeeƭna yaaga, a rengandoor’e na kurwaa fa Kiristaa, ndax ngiin mbaabakaad neene a sooƴ. Yaaga koy, i ndefkatee faɗ bakaad boo muk,

Galati 4:3

Neene a reftu na in itam. Ye a yiif in a ndeyafuleerna, kaa i ndeeƭu faɗ na ƭat ale in no mbaax onqe na adna fee.

A paɗax ale 13:12

Boo a tik-a-maak ale a xayna took ƭool ne, soo a muur ƭool ne no xe jegna uut le, a xotit no xoox le boo na caf ake no ke o saasadax oxe a waagna o ga,

A paɗax ale 13:16

Boo nex ñoow le a suptooxna soo a ran-gat, fat o yaal um a ret maa no saasadax oxaa,