O leetar ole Pool a bindna GIMU WE NGENNA ROM 7:13 - NQAARIIT NE ROOG

¹³ Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

O leetar ole Pool a bindna GIMU WE NGENNA ROM 7:13 Referans Kwoze

Galati 3:21

Yaaga koy, ndax kebil ke kaa nguutatir fo ke Roog a regitna? Ha’aa kañ! Kebil kaa mbaagna o tax o kiin a jeg o ñoow a cooxit’ange, yaaga oxuu na fi’aa ke kebil ke a layna, Roog a ɗeetkoogaan nen o cofu.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

Mace 28:8

A ndalfooxa o ndiƈatoox a mboy alaa, a ndiid, too a ƭaay itam. A ƈufa, a yegnikin daalbe um.

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»