O leetar ole Pool a bindna GIMU WE NGENNA ROM 7:11 - NQAARIIT NE ROOG

¹¹ Bakaad fee kaa jegit o gom no kebil ne, a naxaam, soo a wartaam o ten.

O leetar ole Pool a bindna GIMU WE NGENNA ROM 7:11 Referans Kwoze

Mberaand 3:13

Maaga, o Yaal oxe Roog a laamta o tew oxe yee: «Xar taxu o fi keene?» O tew oxe a doonaan ee: «Fangool fee mat naxaxam bo um moɗ o rim ole no ndaxar ne.»

O leetar ole Pool a bindna GIMU WE NGENNA ROM 7:8

Maaga, kebil ne a ci’tu bakaad fee o gom, boo ta ɓek na mi a yaaw a pagkatar a ƥor, yaam a reeƭangee kebil ne, bakaad a naag faq a xon.

Hebre 3:13

Baa ref naaga! Saƭakiniryo kili boo na «xaye» fee Roog a ne’uuna, yaam ndik bakaad a nax o leng na nuun boo ta ŋaj.

Saak 1:26

O foogangaa yee kaa o reefaa a Roog, too waagiro o dam ɗelem of, kaa o naxaa a xoox of. Kaa o layaa yee kaa o reefaa a Roog, ndaa a teef a Roog of ɗaxirang dara.

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Abjaas 1:3

A magnandax ale wo kaa mo’andang, wo fee genna kam luf ke na ƥil ake, fod no fo mbiñ fo ngoƭu took ne soo layooxaa yee: ‹An na waagkaxam o ɗangtit meeke?›

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.