O leetar ole Pool a bindna GIMU WE NGENNA ROM 6:5 - NQAARIIT NE ROOG

⁵ A soƥangaa yee kaa i mbogat njer leng kut fa Kiristaa, yaa i nqonna nen o ten, yaaga xan i mbog fo ten itam na qontax ale.

O leetar ole Pool a bindna GIMU WE NGENNA ROM 6:5 Referans Kwoze

Kolos 2:12

Yaam ne nu uupeena fo ten na batiise fee, nu nqontooxa fo ten na pexey o ngim onqe nu ngimna na Roog fee xontooxnoortuuna katil um a ndeer no xon we.

2 Korint 4:10

Kaa i ndoxondooxaa kili fa nqon fee Yeesu took cer in, ndax o ñoow um itam a waag o laltinoox no cer in.

Kolos 3:1

Nu nqontooxa fa Kiristaa, mbaaƭyo boog ke refna took, maa ta moofna na ñamaak Roog.

Mace 15:13

A doona a den ee: «Ndaxar nuu Faap es fee na asamaan a jimbeerna, xan a fuurel.

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

Esayi 5:2

A jiqta lanq ke maaga, a watin a kac ake soo a jimb teen taxar biiñ pelu. A maxa a ndeer ee ndeer ale o yetooxand soo a waq kam faa o nirir. Kaa yaakaaroogu yee a ƭing ale xan a rim xa tim biiñ xa safu, ndaa koy, ke ta rimna jaɓee no don.

A kim a tedu ke 92:13

Jofu we kaa neepaa nen ngeec, a maakaa nen taxar seedar ke Libaŋ.

YEGIL MBAAX NE YEESU ne Saŋ a bindtuuna 12:24

No ndigil, no ndigil, mexe layaa a nuun ee: A refangee kaa mbep a uupoox a lanq boo a xon, sang um a yoqaa, ndaa a xonangaa, a naaga o saqaa xa tim xa mayu.