O leetar ole Pool a bindna GIMU WE NGENNA ROM 6:23 - NQAARIIT NE ROOG

²³ Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 6:23 Referans Kwoze

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Heseki’el 18:20

O kiin oxe bakaadna na xonkaa. O ƥiy gadooxkee tooñ faap um, too faap oo gadooxkee tooñ no ƥeem. O cofel ole no cofu xe xan a ref took um, soo kañaan ne no soxodu xe a ref took um.»

Heseki’el 18:4

Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

Mberaand 2:17

bo ta yoqaa ndaxar ne na andnooraa paax fo paaxeer, yaam a mbanuu moɗoona xa tim axe ten, xan o xon.»

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

O leetar ole Pool a bindna GIMU WE NGENNA ROM 5:17

Tooñ no leng kut oxaaga taxu fa nqon fee a maadooxaa na pexey o kiin o leng kut oxaaga. Kaa koy, na pexey o leng kut itam, ta ref Yeesu Kiristaa, i ndaawtaa kaa moƴna. I ndaawa yirmande fa maak fo o cofel ole Roog nen ci’it, too xan i ñoow, soo maadoox yaam o leng kut oxeene.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

YEGIL MBAAX NE YEESU ne Saŋ a bindtuuna 6:68

Simoŋ Piyeer a layaan ee: «O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

Esayi 3:11

Kaa koy, ndaw naqad took no soxodu xe, yaam xan a rabdel a pi um.

1Saŋ 2:25

Ke ta regna a in refu ndegit ne no ñoow o fagkeer ole.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Xa peƭit axe 11:19

O cofel kaa ɓisaa no ñoow ole, oxe na reefanaa paaxeer o mat fa nqon a ƴufanaa.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

O leetar ole Pool a bindna GIMU WE NGENNA ROM 8:6

Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

O leetar ole Pool a bindna GIMU WE NGENNA ROM 8:38

Yaam a wooraxam ee dara waagkee o saƭtirand a in fo o mbeq um, ta ref fa nqon mbaat o ñoow, malaaka mbaat cini ke, ke na xewaa ndiiki mbaat ke na garaa,

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.