O leetar ole Pool a bindna GIMU WE NGENNA ROM 6:22 - NQAARIIT NE ROOG

²² Ndiiki koy nu sute na bakaad, soo ndefat faɗ Roog. O rim nuun a refata o ñoowooƭ o tedu, soo muj nuun a refat o ñoow o fagkeer ole.

O leetar ole Pool a bindna GIMU WE NGENNA ROM 6:22 Referans Kwoze

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

O leetar ole Pool a bindna GIMU WE NGENNA ROM 6:18

Nu mbate no mbaƭ ne na bakaad fee, soo ndefat faɗ no cofel ole.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

YEGIL MBAAX NE YEESU ne Saŋ a bindtuuna 8:32

Xan nu and ndigil ne, too xan ndigil neene a wat a nuun.»

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

1 Korint 7:22

O paɗ oxe o Yaal oxe a mucilna, a jega a xoox um no Yaal oxe, too oxe andoona yee kaa jeg’u a xoox um, Kiristaa a muclangaan, o paɗ um a refataa.

1 Piyeer 1:9

yaam xan nu ndaaw ke refna o rim no ngim nuun, ta ref a muc nuun.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

Esayi 54:17

Ƥonax nuu xawneena ndax ta gaañong faaxkee. Oxuu jamboonga no pind layoor ke, xan o damnoorin. Keene refu a las ale geekanuuma dag es. Keene refu o cofel ole den inoorna na mi, mi o Yaal oxe.»

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Dañel 3:26

Cinj kaaga, Nebukadnesaar a matiida begax ne na fuur fee na kaƥaa jir-jir, soo a falaloox ee: «Sadrak fa Mesak fa Abed-Nego, nuun dag we Roog fee Took-ee-took, sutooxiidyo too ngar!» Maaga, Sadrak fa Mesak fa Abed-Nego a sutooxiida fiɗel le.

A kim a tedu ke 143:12

Xan o moocand fañ es, yaam ne fexaxamoona, saŋik noon es fop, yaam o tag of refum.

Tiit 1:1

Mi Pool fee o paɗ Roog fo apootar Yeesu Kiristaa na bindang o leetar oleeke. Yeesu Kiristaa kaa lulaam, ndax um andnoor we Roog a jilna o ngim onqe, da and ndigil ne refna no reef a Roog,

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Filip 4:17

Refee koy ee um gindaa ci’it keene. Ke um waaƭaa kañ refu xa tim xa mayu xa paax axe na sutooraa no ñoow nuun.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

2 Korint 3:17

O Yaal oxe refu Yiif le, too muu Yiif le no Yaal oxe a refna, maaga o jeg xoox of a refu itam.

O leetar ole Pool a bindna GIMU WE NGENNA ROM 7:25

Yeesu Kiristaa fee o Yaal in oo! Yaasam Roog a ɓoxotel o ngidim no ten! Neene boog, na pexey o jeg-yiif es kaam nananaa kebil ke Roog, ndaa no cer es koy, o paɗ no ke bakaad fee a heblaa refum.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

Mace 19:29

Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.

Mace 13:43

A koom kam Maat naa Roog Faap den, xan jofu we a meleƈit nen njeeƈ ne. Oxuu jegna nof, fat a nan-giloox!»

Mace 13:40

Ne puulaand ke a ƈasitkeel, a ndeɓel kam fiɗel, naaga a refitkaa no paangandoong naa itam.

A kim a tedu ke 92:14

Kaa njimbel no Mbind ne no Yaal oxe, a neepaa no maax ole no mbind ne Roog in.

Ke bindeena no xe ne’eena YOB 1:8

O Yaal oxe a laya a Saytaane yee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog too a wootooxaa paaxeer.»

A lim ale 23:10

An waagu o lim xa taan axe Yakoob mayitna nen pep lanq? Kaam ee an waagu o lay ne Ii-isra’el we mayitna nen mbuuƴ a mbodna? Yaasam um xonit nen jofu weene, muj es a nand fa fee den!»

Mberaand 50:17

‹Fat nu lay a Yoseef ee: Ngela waasani fog faap we wo paaxeer ke fo tooñ ne da mbi’oonga, yaam a mbi’aang kaa faaxeerna.› Kaa rek, ngela waasanti tooñ ne no dag we na Roog fee na faap of!» Ye Yoseef a nanna kaaga, a naaga ciic a lool.

Mbeeñil 7:13

Naaga, o leng no maak waa a laamtaxam ee: «Ndi we ndokooxna tikoorik tan, aniin oo? Mam a inooru?»

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

Dañel 6:20

Yaa mbeet naa a leeliidaa, o maad oxe a inooxa, a siipan maa cogoy kaa a mbegeena.

A kim a tedu ke 86:2

Saytooxaam, yaam kaam damoox na wo. Wo Roog es, muclaam, mi fee o tag of, yaam wo hoolooxum.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.