O leetar ole Pool a bindna GIMU WE NGENNA ROM 6:21 - NQAARIIT NE ROOG

²¹ Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

O leetar ole Pool a bindna GIMU WE NGENNA ROM 6:21 Referans Kwoze

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

Xa peƭit axe 14:12

Jaaku kaa mboog ee a ƭat a paax ale a nqotu, kaa koy, na ƭat ale na ɓisaa na fa nqon a ndefu.

1Saŋ 2:28

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.

Hebre 6:8

Kaa koy, boo da saxna kiƈ fo qooc, njegkee o njiriiñ o leng. Xan Roog a saloox lanq keene, too mujum-mujum kaa ndoxkeel.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

O leetar ole Pool a bindna GIMU WE NGENNA ROM 8:6

Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

1 Piyeer 4:17

Yaam kaa ref waxtu faa hate fee a xotitkaa no mbind ne Roog. A refangaa yee na in a eetitkaa, xar na refkaa muukandoong no we mbañna o ngim Yegil mbaax ne Roog?

Saak 5:20

fat nu and kene: Oxe na nomtitiidaa o paabakaad na ƭat a paaxeer um, a naaga o muclaa o kiin oxeene na fa nqon. A soƥangaa sax ee pakaad um a may’a, xan Roog a waasanin a den.

Saak 1:15

Paaxeer ke ta yuxmaa na ndimaa bakaad, bakaad a maakangaa, a rim fa nqon.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

2 Korint 7:11

Ƭeetyo rek ke naqad feene inoorna na Roog a rimanna a nuun. Kaa rimaa fitna fo a baasnax fo fuux fo caƭar fo a tiilax fo o jaflax fo o nqasan. No kuu ta waagna o ref oo nu lalta na qoox nuun ee nu nqoola no keene fop.

Heseki’el 43:11

A sedangaa ɓot yaam fop ke da mbi’na, andnoori a den ne Mbind nene a saxitna, a keenooƭ um, xa ton-maax axe ten fo tokand ke ten, samandaal ke ten fop fo bargal ke ten fop, samandaal ke ten fop fo kebil ke ten fop. Dooni na kid den caq ne ten. Xan a ngoroox samandaal ke ten fop fo bargal ke ten fop, too xan a mbadin a den.

Yeremi 31:19

A cinj ye i mbesoonga a cinj, i ndicooxa, a cinj ye i anddilooxna tooñ in, i ndiqooxa no kang. Kaa i sed, seeƈaar yaam ke i mbi’na no ndeƥandoong in.»

Yeremi 12:13

Bele a nduuf’u, ndaa takar-ñiig a saxadaa. A paanga doole den na xa koɓong. Njegyo gaci boog no ke nu saxadna, yaam fuux ɗomu le mi.»

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 3:3

Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Esayi 3:10

Layyo o cofu xe yee a ɗaaya, yaam xan calel um a ndef muud um.

Xa peƭit axe 16:25

Jaaku kaa mboog ee a ƭat a paax ale a nqotu, kaa koy, na ƭat ale na ɓisaa na fa nqon a ndefu.

Xa peƭit axe 1:31

Xan nu mbuq o gaf ole na pesoorooƭ nuun, naang tem fa luq-luq nuun.

A kim a tedu ke 73:17

boo neen andum kunpa ke wo, wo Roog, soo sogat o and muukandoong ne no soxodu we.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

Ke bindeena no xe ne’eena YOB 40:4

«Mi kañ, refiim tus, ndi xar um doonkang boog? Kaam dam o don es.

Esdaraas 9:6

soo lay ee: «Roog es, mexey na gaci too sedaam o yoɗ mukit es farna fa wo, wo Roog es, yaam pakaad in kaa ngartat a in took, soo tooñ in a cokrandoor boo na asamaan.

1 Maad we 2:26

Cinj kaaga, o maad oxe a laya a Abiyataar fee o saasadax ee: «Aca xaadi Anatot, no lanq of, yaam fa nqon doŋ hel’ong. Kaa koy, warnoorkiroong xaye, yaam na jamaane Dawid fee faap es wo saqoogu arka ne no Yaal oxe na refkaa boo faw soo xaajir fo ten coono um fop.»

A cangatin ale 21:22

«A soƥangaa yee kaa o kiin a fi kaa taxna ta war o warel, boo a warel, soo cinj kaaga ta lokel na teex,

A cangatin ale 17:6

Oxe jambeena a waage war, yaa ɗik mbaat daduk a seede’na took um. Seede no kiin o leng soom koy deyee.

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

Ke bindeena no xe ne’eena YOB 33:27

Maaga, xan a xaan mbaambir no fop ee: «Bakaad’aam, ɗap a ƭat ale, ndaa Roog dooniraam ke helna na mi.

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.