O leetar ole Pool a bindna GIMU WE NGENNA ROM 6:2 - NQAARIIT NE ROOG

² Boo muk! Yaam ne i nqonna, i ƭegoora o kay fa bakaad. Nam i mbaagu o ndakoox o ñoowatinik kam bakaad koy?

O leetar ole Pool a bindna GIMU WE NGENNA ROM 6:2 Referans Kwoze

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

Kolos 3:3

yaam kaa nu nqon, soo o ñoow nuun a fokatel fa Kiristaa na Roog.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Galati 2:19

No ke jofna no kebil ke koy, kaam nand nen o qon oxaa andoona yee kebil ke sax mbarun, ndax um waag o ñoowan a Roog. Rengandooreem na kurwaa fa Kiristaa.

O leetar ole Pool a bindna GIMU WE NGENNA ROM 7:6

Kaam ee, me ta refna i mbate no kebil ke, yaam ke dam’ina a in mbaƭ a xona na in. Ndiiki koy kaa i ndagooxaa a Roog a tagoorooƭ a qas na pexey Yiif Tedu le, soo mbaas a tagoorooƭ a kiid ale me i ndagoortoogna kebil ke.

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

Kolos 2:20

Kaa nu nqon fa Kiristaa, tig adna a sooƴ na nuun. Xar taxu boog nu mbesooraa nen wiin adna boo ndiik? Xar taxu nu njaɓ ke da layaa yee:

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

A kim a tedu ke 119:104

Xottaam o and no bargal ke wo, ten taxu um sib a ƭat a maamaaɓ aluu refna.

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

Mberaand 39:9

Ten fa xoox um sax hupatiraam no mbind nene, too fañtiraam dara bo ta yoqaa wo, yaam o teem refo. Nam waagum boog o fi’it paaxeer nandu neene, soo tooñ a Roog?»

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!