O leetar ole Pool a bindna GIMU WE NGENNA ROM 6:19 - NQAARIIT NE ROOG

¹⁹ Kaam yooɓandataa fa lay es yaam ne o and nuun a jaakeerna. Yaaga, kaa nu ƥoxotoox’u fo cer nuun fop nen faɗ waa na njalanaa qoolaƭaru fo paaxeer, boo nu siiknoor fa Roog. Neene itam, fat nu ƥoxotoox fo cer nuun fop nen faɗ waa na njalanaa o cofel ole, ndax o ñoowooƭ nuun a ted.

O leetar ole Pool a bindna GIMU WE NGENNA ROM 6:19 Referans Kwoze

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

Galati 3:15

Fog we, ndiiki kaam bug o lay kaa andoona yee oxuu refna a andaan: Boo wiin a njofoorna no tig mbaambir no seede, o leng waagatiran o laaf, too o leng waagatee o ɓaat teen tig.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

1 Korint 9:8

Keene fop koy, ndax wiin we rek na sertaa a den? Ha’aa, yaam a laye sax no kebil ke Moyiis ee:

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

O leetar ole Pool a bindna GIMU WE NGENNA ROM 8:26

Neene koy Yiif Tedu le kaa garaa, a dimle’iid a in, in we neewna doole. I naangee o andaa sax ne i mbarna o nqeɗit a Roog, ndaa Yiif le fa xoox um kaa xeɗanaa a in fo a yuɗnax alaa waagaandeena o lay.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

A paɗax ale 13:40

Boo o kiin a jegateerna wiil no log, meel oo. A xoola.