O leetar ole Pool a bindna GIMU WE NGENNA ROM 6:18 - NQAARIIT NE ROOG

¹⁸ Nu mbate no mbaƭ ne na bakaad fee, soo ndefat faɗ no cofel ole.

O leetar ole Pool a bindna GIMU WE NGENNA ROM 6:18 Referans Kwoze

O leetar ole Pool a bindna GIMU WE NGENNA ROM 6:22

Ndiiki koy nu sute na bakaad, soo ndefat faɗ Roog. O rim nuun a refata o ñoowooƭ o tedu, soo muj nuun a refat o ñoow o fagkeer ole.

Galati 5:1

Kiristaa kaa wokit a in, ndax i njeg a qoox in. Saƭakinooxyo boog, too ba nu nomtoox no mbaƭ ne.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

YEGIL MBAAX NE YEESU ne Saŋ a bindtuuna 8:32

Xan nu and ndigil ne, too xan ndigil neene a wat a nuun.»

O leetar ole Pool a bindna GIMU WE NGENNA ROM 6:7

yaam oxe xonna, kaa watel na bakaad.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

Esayi 54:17

Ƥonax nuu xawneena ndax ta gaañong faaxkee. Oxuu jamboonga no pind layoor ke, xan o damnoorin. Keene refu a las ale geekanuuma dag es. Keene refu o cofel ole den inoorna na mi, mi o Yaal oxe.»

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

Esayi 26:13

O Yaal oxe Roog in, yaal lakas tefee wo a njeg’a a in. Ndiiki koy, gon of soom i ƈufginooraa.

A kim a tedu ke 119:45

Kaam ñaaƴaa fo o laaw o dalu, yaam bargal of um widaa.

A kim a tedu ke 119:32

Kaam ƴufaa na ƭat ale no kebil of, yaam dalnaa o laaw es.

A kim a tedu ke 116:16

Ey, o Yaal oxe, o tag of refum, kaam ee o tag of refum, o ƥiy no ceefeer of, woktanaxamo a ceng es.

YEGIL MBAAX NE YEESU ne Saŋ a bindtuuna 8:36

Yaaga koy, boo o Ƥeenqe a watna a nuun, xan nu njeg a qoox nuun tigi.

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,