O leetar ole Pool a bindna GIMU WE NGENNA ROM 6:17 - NQAARIIT NE ROOG

¹⁷ Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

O leetar ole Pool a bindna GIMU WE NGENNA ROM 6:17 Referans Kwoze

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

2 Korint 2:14

Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

3Saŋ 1:3

Kaam jeg o ɗaay lool, yaam ye we ngar’ina saax nuun a ngatna, a mbetandooxaxam ndigil ne o ñaaƴnaa, too ta sax na wo itam.

O leetar ole Pool a bindna GIMU WE NGENNA ROM 15:18

Boo andoona yee saɗaam o lay tig, kaa ref ke Kiristaa a fi’na na pexey es, ndax um ɓakandiid we ndefeerna Yaawuur, da nanan a Roog. Fa lay a fi’tun fo a pi

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

2Saŋ 1:4

Ye ga’uuma yee a jega na xa ƥeef waa na ndeefaa ndigil ne Faap fee a hebilna a ndeer in, sawar’aam lool.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Filemon 1:4

Kaam gen no gidmaa a Roog kili, too wetandooxang a mbanuu um xeɗaa.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

1 Piyeer 4:17

Yaam kaa ref waxtu faa hate fee a xotitkaa no mbind ne Roog. A refangaa yee na in a eetitkaa, xar na refkaa muukandoong no we mbañna o ngim Yegil mbaax ne Roog?

1 Piyeer 3:1

Nuun rew we itam, fat oxuu refna na nuun a jaɓan o kor um. A refangaa sax ee leng-leng na den ngimee na fa lay fee Roog, xan a ngar no ngim onqe na pexey a pesoorooƭ nuun, nuun we ndefna rew den. Maaga, soxla’kaand o lay mayu,

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Hebre 11:8

O ngim tax’u Abraham a jaaɓ o xoy ole Roog, a ret no saax jan le Roog a reg’uuna. Naaga, Abraham a reta, too andee me ta hakkaa.

1 Tesalonik 3:9

Kaam ee, ndiiki i mbaaga o ngidim a Roog a paax no ɗaay ole i njegitna na nuun mbaambir Roog in.

Efees 1:16

kaam gen no gidmaa a Roog yaam nuun, wetandooxaa a nuun na qeƭ es.

1 Korint 1:4

Kaam gidmaa a Roog o Yaal es ñaal fo o yeng yaam yirmande fee ta ci’na a nuun na Kiristaa Yeesu.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

A kim a tedu ke 18:44

Kaa o muclaxam no ñimatir ke na xeet es, fi’aam kelfa no qeet ke, too waa andeeruuma owe ndagooxaxam.

Esdaraas 7:27

Esdaraas a falalooxa yee: «A simat a hela o Yaal oxe Roog fee no daan in riñna o maad oxe ta niwit neene Mbind ne no Yaal oxe refna kam Yeerusaleem.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

A pi ake 28:15

Yaa fog gimu waa ndefna Rom a nanna i layteel, a ngara boo no jikoorand olaa ne’it’eena a Apiyus fo o mbiñ onqaa na xa Ñaamand xa tadaq axaa, a nqetooxiid a in. Ye Pool a ga’na a den, a gidma a Roog, too a saƭakinoox.

1 Korint 14:6

Fog es, o njiriiñ onqum jegkoogum na nuun, yaa gar’uuma gar rek, layaa fa nuun lak faa nu naneerna, too daawniim a nuun na lak nuun mbeeñil mbaat o and mbaat um jo’tanaa a Roog mbaat um jangnaa?