O leetar ole Pool a bindna GIMU WE NGENNA ROM 6:16 - NQAARIIT NE ROOG

¹⁶ Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

O leetar ole Pool a bindna GIMU WE NGENNA ROM 6:16 Referans Kwoze

YEGIL MBAAX NE YEESU ne Saŋ a bindtuuna 8:34

Yeesu a doona a den ee: «No ndigil, no ndigil, mexe layaa a nuun ee: Oxuu na fi’aa pakaad, o paɗ bakaad oo.

2 Piyeer 2:19

Kaa ndegaa a den ee xan a njeg a qoox den, too yaaga fop oo, den fa qoox den kaa ndef faɗ no fi kaa na ɓisaa na fa nqon. Oxuu refna, o paɗ no xe ta nananna a refu.

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

O leetar ole Pool a bindna GIMU WE NGENNA ROM 11:2

Roog deɓee xeet um feene ta jilna yaaga. Mee ndax nu anda a paax ke a Pind a Tedu ke a layna, na betandax ale me o tuleer Eliya a ɗomatoortoogna a Isra’el mbaambir Roog,

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

1 Korint 6:2

Kaa nu andee yee tedu weene na ngate’kaa adna fee! Tig podu nen hate adna a doonange no ɓay nuun, nam o hate tig pooreer a naru o ɓoowit a nuun? Ndax hate kaa jomb a nuun?

1 Korint 6:3

Kaa nu andee yee in na ngate’kaa malaaka ke? A soƥangaa koy ee hate malaaka ke na xa ƥay in a doone, nam o hate tig adna a waagu o bug o ɓoowit a in?

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

1 Korint 9:13

Ndax kaa a yiif nuun a naax ee we na ndagooxaa a Roog kam Mbind Roog ne fop, teen a ñoowtaa, we payna no sadaxand ole a ñoowtaa ke ɓoxotiideena no sadaxand ole?

1 Korint 9:24

Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.

Mace 20:4

A laya a den ee: ‹Ndetyo na ƭing biiñ es nuun itam, too xam coox a nuun ke warna.›