O leetar ole Pool a bindna GIMU WE NGENNA ROM 6:14 - NQAARIIT NE ROOG

¹⁴ Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

O leetar ole Pool a bindna GIMU WE NGENNA ROM 6:14 Referans Kwoze

Galati 5:18

ndaa koy, a refangaa yee Yiif le Roog na ɗoxaa a nuun, nu ndefee faɗ no kebil ke.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

O leetar ole Pool a bindna GIMU WE NGENNA ROM 6:12

Yaaga boog, baa bakaad fee a maadooxat muk kam cer qooxon ke nuun, too ba nu ndeefat ke da yaawaa.

YEGIL MBAAX NE YEESU ne Saŋ a bindtuuna 8:36

Yaaga koy, boo o Ƥeenqe a watna a nuun, xan nu njeg a qoox nuun tigi.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Galati 3:23

Kaa koy, ye jamaane fee no ngim onqe a fadiidafuleerna, kaa i mbeg’el, soo kebil ke a yetaa a in boo neene o ngim onqe war’eena o feeñil a fadiidu.

O leetar ole Pool a bindna GIMU WE NGENNA ROM 8:12

Ten taxu boog fog we, i njega wareef, kaa koy refee ke cer in a liiƥaa, ndax i ñoow no ke da mbugna.

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Galati 4:21

Nuun we mbugna o ndeef kebil ke Roog ndax nu muc, layangaamoo koy, ndax kaa nu nanee ke kebil ke a layna?

O leetar ole Pool a bindna GIMU WE NGENNA ROM 11:6

Kaa jil a den na yirmande um, too refee yaam a pi den. A jilit’angaa a den a pi den, yaaga yirmande fee Roog refkoogee yirmande fa ndigil.

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

Mise 7:19

Xan o yirimahin a in, njofaƭar in, o uupin, pakaad in, o joor a den no duf-ee-duf laa no maag olaa.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

O leetar ole Pool a bindna GIMU WE NGENNA ROM 5:17

Tooñ no leng kut oxaaga taxu fa nqon fee a maadooxaa na pexey o kiin o leng kut oxaaga. Kaa koy, na pexey o leng kut itam, ta ref Yeesu Kiristaa, i ndaawtaa kaa moƴna. I ndaawa yirmande fa maak fo o cofel ole Roog nen ci’it, too xan i ñoow, soo maadoox yaam o leng kut oxeene.

O leetar ole Pool a bindna GIMU WE NGENNA ROM 5:18

Tooñ no leng kut oxaaga taxu a qaw ale a dal took no wiin we fop. Neene itam, na pexey a pi a cofu leng kut ale no xeene, o cofel ole Roog kaa ci’aa wiin we fop o ñoow.

A paɗax ale 25:41

Maaga, fat a woktoox, a sutoox mbind of, ten fo xa ƥeem soo a nomtoox no fog um, a xaad na pec um.