O leetar ole Pool a bindna GIMU WE NGENNA ROM 6:13 - NQAARIIT NE ROOG

¹³ Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

O leetar ole Pool a bindna GIMU WE NGENNA ROM 6:13 Referans Kwoze

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

O leetar ole Pool a bindna GIMU WE NGENNA ROM 7:5

Ye i ñoowoogna no ke cer ke a mbugna, o bug o faaxeer ole kebil ke a yaawnooroogna a yo’nooga cer in fop, too a sakatinooga na in xa tim axaa na ƥisaa na fa nqon.

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

1 Korint 6:20

Yaam njigand maak nu mbatte. Yaaga koy, fat Roog a waag o jegit o ndam no cer nuun.

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

1 Korint 6:15

Kaa nu andee yee cer nuun, a seek no cer ke Kiristaa a ndefu? Ndax xan o kiin a jang a seek no cer ke Kiristaa, a fi’in boo ta refat a seek no cer a caga? Koo boo muk!

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

O leetar ole Pool a bindna GIMU WE NGENNA ROM 6:19

Kaam yooɓandataa fa lay es yaam ne o and nuun a jaakeerna. Yaaga, kaa nu ƥoxotoox’u fo cer nuun fop nen faɗ waa na njalanaa qoolaƭaru fo paaxeer, boo nu siiknoor fa Roog. Neene itam, fat nu ƥoxotoox fo cer nuun fop nen faɗ waa na njalanaa o cofel ole, ndax o ñoowooƭ nuun a ted.

2 Korint 10:4

Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

O leetar ole Pool a bindna GIMU WE NGENNA ROM 6:11

Neene itam njaɓooxyo nuun fa qoox nuun ee nu nqona tigi boo a taxa nu ƭegoor o kay fa bakaad. Njaɓooxyo itam ee Roog nu ñoowanaa ye nu mbogna na Kiristaa Yeesu.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

2 Caloori ke 30:8

Ndiiki koy, ba nu saƭik a qoox nen daan nuun. Ndekyo a Roog xa ƥay, ngar no mbind tedu ne ten, ta tedlandna boo kili soo mbaɗoox o Yaal oxe Roog nuun, ndax fuux ɗomu le ten yenna took in a ɓoos.

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»

2 Korint 8:5

Keene koy hup’u yaakaar in lool, yaam kaa eet o ƥoxot a qoox den o Yaal oxe, cinj kaaga da ƥoxotoox na in, ne Roog a bugtuuna.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

O leetar ole Pool a bindna GIMU WE NGENNA ROM 7:23

Kaa koy, a jega lakas kaa ga’uuma, ta heblaxam no cer es. Kaa maafraa fo ke o jeg-yiif es a heblaxam, soo a damaam mbaƭ no ke bakaad fee a heblaxam, um fi’in no cer es.

YEGIL MBAAX NE YEESU ne Lik a bindtuuna 15:32

Kaa koy, kaa o war’u o sawar too felakinoox, yaam o ndeɓ of oxey, kaa xon’u, too a ñoowatina, kaa mo’’u, too a feeña.› »

Saak 4:1

Maafir ke fo qasir ke a ndeer nuun, mam a inooraa? Oxe inooraa na yuxum ake ngenna no ñoxoraa no cer nuun.

O leetar ole Pool a bindna GIMU WE NGENNA ROM 1:29

a may muut fo njofaƭar nuu refna, a soxod, a ngalaf, a mbi’aa paaxeer, a may fo ciis, a mbarraa, a nqasraa, a ƈiƴtiraa, a layraa cageer, soo a ñu’raa.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

YEGIL MBAAX NE YEESU ne Lik a bindtuuna 15:24

Yaam o ƥees onqe xon’ina a ñoowatina. Kaa mo’’u too a feeña.› Naaga, a ndalfooxa o ndef no mbelakinooxaa.

Dañel 3:28

Nebukadnesaar a laya yee: «Roog fee Sadrak fa Mesak fa Abed-Nego a hela o simatel, ten fee luliidna malaaka um, ta mucil dag we ten ngoolooxuuna! Kaa ƭap kebil es, mi fee o maad, yaam o ƥoxot cer den a moƴan a den o faɗoox a roog fa lakas faa refeerna Roog den.

Heseki’el 18:4

Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.

Xa peƭit axe 12:18

Oxe na ratataa juumaa, fa lay um kaa gaañaa nen laƥ, fa lay fee no jegu yiif we mat a ɓisiidaa o wod-fo-ɓaal.

A kim a tedu ke 37:30

O don no cofu xe o and a laytaa, ɗelem um a yegnitaa a ƭat.

A cangatin ale 25:16

Oxuu na fi’aa keene, a guuɗtaa neene, xan o Yaal oxe Roog nuun a ɗeetin nen cednooxu.»

2 Tesalonik 2:12

Neene o mat a qaw ale a dalitkaa took no fop we njaɓkeerna o ngim ndigil ne, den weene coxod a felna.

2 Korint 5:14

O mbeq Kiristaa kaa daaw o adin a in, yaam a woora a in ee o leng kut xonanu fop, ta tekit ee fop a nqonta no ten.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.