O leetar ole Pool a bindna GIMU WE NGENNA ROM 6:12 - NQAARIIT NE ROOG

¹² Yaaga boog, baa bakaad fee a maadooxat muk kam cer qooxon ke nuun, too ba nu ndeefat ke da yaawaa.

O leetar ole Pool a bindna GIMU WE NGENNA ROM 6:12 Referans Kwoze

Galati 5:16

Mexe layaa boog ee nqaƴyo Yiif le Roog a ɗox o ñoow nuun, too yaaga nu mbi’kee ke cer ke nuun a yaawaa.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

A kim a tedu ke 19:13

Ndi an andu tooñ um ke ta diyeerna? Ngela waasanaam tooñ es ke anddilooxeeruuma.

2 Korint 4:11

In we maadna o ñoowaa, kaa i ngen no ñaaƴaa na pelyook fa nqon yaam Yeesu, ndax o ñoow Yeesu a waag o laltinoox itam no cer qooxon ke in.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

O leetar ole Pool a bindna GIMU WE NGENNA ROM 2:8

Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Tiit 2:12

Kaa jangnaa a in, i mbaas njofaƭar fo a yuxum tig adna. Kaa jangnaa a in itam, i mbañ o ngupal, ñoowaa no cofel fo no gon Roog na jamaane fee ndiiki,

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

A kim a tedu ke 119:133

Saƭkandti o jaf es o ñuxur of, too ba o xaƴ paaxeer leng a hupaam doole.

A lim ale 33:55

Kaa koy, boo nu ndaxeerna we ngenna no saax le fop, we nu nqaƴkaa na den xan a ƥek a nuun coono no saax le nu ngenkaa sax, a ndef na nuun nen a sel kam a ngid mbaat nen a bej no saax.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»

1 Piyeer 1:14

Nen xa teɓandoong Roog axaa nananuuna, ba nu ndeefan a yaaw ake nu njeg’ina yaaga, ye nu njeg’afuleerna o and.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

Haahate we 2:3

Mexe layaa a nuun ee raxkiim mbaambir nuun we ngenna no saax le. Xan a ndef na nuun nen mbog, soo roog ke den a ndef nen mbaal naa na damaa a nuun.»

A cangatin ale 7:2

Yaa o Yaal oxe Roog nuun a ɓoxotkaa a den na xa ƥay nuun boo nu nqaw a den, fat nu kesanin a den. Nu ngiɓoorkee fa den too nu yirimkee a den.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

A paɗax ale 13:40

Boo o kiin a jegateerna wiil no log, meel oo. A xoola.