O leetar ole Pool a bindna GIMU WE NGENNA ROM 6:11 - NQAARIIT NE ROOG

¹¹ Neene itam njaɓooxyo nuun fa qoox nuun ee nu nqona tigi boo a taxa nu ƭegoor o kay fa bakaad. Njaɓooxyo itam ee Roog nu ñoowanaa ye nu mbogna na Kiristaa Yeesu.

O leetar ole Pool a bindna GIMU WE NGENNA ROM 6:11 Referans Kwoze

1 Korint 6:20

Yaam njigand maak nu mbatte. Yaaga koy, fat Roog a waag o jegit o ndam no cer nuun.

O leetar ole Pool a bindna GIMU WE NGENNA ROM 6:2

Boo muk! Yaam ne i nqonna, i ƭegoora o kay fa bakaad. Nam i mbaagu o ndakoox o ñoowatinik kam bakaad koy?

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

Kolos 3:17

Kuu nu mbi’aa itam mbaat nu layan, fat a ref no gon no Yaal oxe Yeesu, soo ngidmaa a Roog Faap fee no gon um.

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

O leetar ole Pool a bindna GIMU WE NGENNA ROM 16:27

Yaasam Roog fee jegna o and, ten soom, a ɓoxotel o ndam boo faw na pexey Yeesu Kiristaa! Amiini.

O leetar ole Pool a bindna GIMU WE NGENNA ROM 6:10

Kaa xon’u, too fa nqon um a tax’a ta ɗegoor o kay fa bakaad jaf leng kut. Ndiiki koy, oxe ñoowaa, too Roog a ñoowanaa.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

O leetar ole Pool a bindna GIMU WE NGENNA ROM 7:6

Kaam ee, me ta refna i mbate no kebil ke, yaam ke dam’ina a in mbaƭ a xona na in. Ndiiki koy kaa i ndagooxaa a Roog a tagoorooƭ a qas na pexey Yiif Tedu le, soo mbaas a tagoorooƭ a kiid ale me i ndagoortoogna kebil ke.

Kolos 2:20

Kaa nu nqon fa Kiristaa, tig adna a sooƴ na nuun. Xar taxu boog nu mbesooraa nen wiin adna boo ndiik? Xar taxu nu njaɓ ke da layaa yee:

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.