O leetar ole Pool a bindna GIMU WE NGENNA ROM 6:10 - NQAARIIT NE ROOG

¹⁰ Kaa xon’u, too fa nqon um a tax’a ta ɗegoor o kay fa bakaad jaf leng kut. Ndiiki koy, oxe ñoowaa, too Roog a ñoowanaa.

O leetar ole Pool a bindna GIMU WE NGENNA ROM 6:10 Referans Kwoze

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1 Piyeer 4:6

Ten taxu boog, xon we itam a mbaare’el Yegil mbaax ne, ndax cinj ye da ngate’eena nen wiin we no ñoow den, da mbaag o ñoowit yiif le nen a Roog.

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

O leetar ole Pool a bindna GIMU WE NGENNA ROM 6:11

Neene itam njaɓooxyo nuun fa qoox nuun ee nu nqona tigi boo a taxa nu ƭegoor o kay fa bakaad. Njaɓooxyo itam ee Roog nu ñoowanaa ye nu mbogna na Kiristaa Yeesu.

YEGIL MBAAX NE YEESU ne Lik a bindtuuna 20:38

Kaa koy, Roog refee Roog fee no xon we, ndaa Roog fee no ñoow we, yaam no ten fop kaa ñoowaa.»

O leetar ole Pool a bindna GIMU WE NGENNA ROM 6:9

I anda yee Kiristaa fee xontooxna a ndeer no xon we, xonatinkatee boo muk. Fa nqon fee jegatee no ten sañ-sañ fa leng.