O leetar ole Pool a bindna GIMU WE NGENNA ROM 6:1 - NQAARIIT NE ROOG

¹ Xar i laykaa koy? Ndax kaa i maadkaa o ñoowaa kam bakaad, ndax yirmande fee Roog a ɓaatoox?

O leetar ole Pool a bindna GIMU WE NGENNA ROM 6:1 Referans Kwoze

1 Piyeer 2:16

Mbesooryo boog nen wiin jegu a qoox den, ndaa o jeg xoox nuun oleene koy, ba nu mbi’in muurax naa na singaa paaxeer, yaam faɗ Roog nu ndefu.

Galati 5:13

Fog we, nu sute no mbaƭ ne nu ndeeƭna, ndaa baa a sutax aleene a tax nu ñoowaa no ke cer ke nuun a yaawaa. Yaaga boog, fat o mbeq onqe a tax nu ndagooraa.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.