O leetar ole Pool a bindna GIMU WE NGENNA ROM 5:6 - NQAARIIT NE ROOG

⁶ Kaa hupna keene sax, ye i maadaa fo o neew doole in, Kiristaa a xonana jofaƭaru we na waxtu fee Roog a liiƥ’ina.

O leetar ole Pool a bindna GIMU WE NGENNA ROM 5:6 Referans Kwoze

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

O leetar ole Pool a bindna GIMU WE NGENNA ROM 4:25

Kaa Roog a ɓoxotin na fa nqon yaam tooñ in, soo a xontooxnoorin, ndax ta jofand a in.

Tiit 2:12

Kaa jangnaa a in, i mbaas njofaƭar fo a yuxum tig adna. Kaa jangnaa a in itam, i mbañ o ngupal, ñoowaa no cofel fo no gon Roog na jamaane fee ndiiki,

O leetar ole Pool a bindna GIMU WE NGENNA ROM 4:5

A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.

Hebre 9:26

A saxit’angaa naaga, yaaga a coono’kooga a caf a mayu no kaa xoxitna yaa adna a sakeena boo xaye. Kaa koy, na pe a paktu ke no camaane ke, jaf leng kut a feeñooxu, a ɓoxot a xoox um nen sadax, ndax ta forit pakaad ke.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

1 Timote 1:9

I anda a paax ee o nanangaa kebil a dalnel, refee yee jofu we taxu, ndaa jofaƭaru we fo luubooxu we fo soxodu we fo baabakaad we. We ngartuuna ndefu itam we niweerna a Roog, we naangeerna o ndeefaa a ƭat Roog fo we na mbaraa we ndimna a den fo waawar lakas we.

1 Tesalonik 5:9

Yaam Roog jagandanee a in a qaw um, ndaa kaa bug i njeg a muc ale na pexey o Yaal in Yeesu Kiristaa.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

O leetar ole Pool a bindna GIMU WE NGENNA ROM 11:26

Neene o mat Isra’el fop a muclitkeel, ne ta layteena kam a Pind a Tedu ke yee: «O Baawat oxe xan a inoor Siyoŋ, too xan a ñuf nanaƭar ne na xa taan axe Yakoob.

Dañel 11:15

Xan o maad oxe no ɓemb-roog o janoon a gar, a max a uum lanq a songir soo a jaɓ teeru fa njegu saŋe fee. Xiixire we no ɓemb-roog o ñamaak, ke da njegna a yaj no xir say fop oo, mbaagkiran o nqox. Njegkee doole um sax.

A kim a tedu ke 1:1

Ndaw o ɗaay no xe reefkeerna xa as no soxodu we too laalkee baabakaad we, nqel um ta riƈatin xaaxaadnax we,

A ƭomatax ake 1:6

Siyoŋ, o ndoog onqe, a ñaka o ndam onqe ten fop. Kelfa ke ten kaa nand fo caf kaa nga’eerna o suufand soo a ƈufaa fo o ñak doole mbaambir no xe na xawlooxaa a den.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»

O leetar ole Pool a bindna GIMU WE NGENNA ROM 5:7

Yooɓee de, ndax o kiin a xonan o cofu sax. Xeƈa a waaga o jeg jambaar faa jaɓna o xonan o kiin o paax,

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Hebre 8:3

O saasadax o maak oxuu refna kaa dodel ndax ta ɓoxotaa ci’it fo sadax mbaambir Roog. Ten taxu, o saasadax o maak oxe in itam a war’u o jeg kaa ta ɓoxotna.