O leetar ole Pool a bindna GIMU WE NGENNA ROM 5:5 - NQAARIIT NE ROOG

⁵ Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

O leetar ole Pool a bindna GIMU WE NGENNA ROM 5:5 Referans Kwoze

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

1Saŋ 4:19

In o mat, kaa i mbexin, yaam ten eetu o fex a in.

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

A pi ake 2:33

Roog a yoɗaan fo a ñamaak um, ta daawit na Faap fee Yiif Tedu le regit’eena. Yeesu a fudniidaan, ne nu nga’tan fo ne nu nantan.

Ke bindeena no xe ne’eena YOB 27:8

Yaakaar num o kimeer oxe a yoqɗu, yaa o ñis um a dayna, yaa Roog a xuufna o ñoow um?

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

A kim a tedu ke 119:116

Ne regtitanoona, damtaam ndax um ñoow, ba o tas yaakaar es.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

1 Korint 8:3

Kaa koy, oxuu fexna a Roog, Roog a andaan.

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

A pi ake 10:45

Gimu we mbogna na xeet fee no Yaawuur we fop, too a yooniid fa Piyeer, kaa njaaxiɗ’u yaam ne Roog a fudinna Yiif Tedu le took no we ndefeerna Yaawuur, a ci’in a den.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.