O leetar ole Pool a bindna GIMU WE NGENNA ROM 5:21 - NQAARIIT NE ROOG

²¹ Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

O leetar ole Pool a bindna GIMU WE NGENNA ROM 5:21 Referans Kwoze

Tiit 2:11

Yirmande fee Roog a feeñle, ndax ta ref a cur a muc no wiin we fop.

O leetar ole Pool a bindna GIMU WE NGENNA ROM 5:14

Yaqanee koy no kaa xotitna na Aadama boo na Moyiis, fa nqon fee a maadooxooga took no we mos’eerna o mbakaadit nen a Aadama fee ɗap’ina kebil ne Roog. Aadama feene reeƭu nitaal no xe war’ina o gar.

O leetar ole Pool a bindna GIMU WE NGENNA ROM 8:10

Boo Kiristaa a genna na nuun, ke bakaad fee a warnooraa cer nuun fop oo, Yiif le genna na nuun kaa ñoowdandaa a nuun, yaam Roog a ɗeeta a nuun nen jofu.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

O leetar ole Pool a bindna GIMU WE NGENNA ROM 5:17

Tooñ no leng kut oxaaga taxu fa nqon fee a maadooxaa na pexey o kiin o leng kut oxaaga. Kaa koy, na pexey o leng kut itam, ta ref Yeesu Kiristaa, i ndaawtaa kaa moƴna. I ndaawa yirmande fa maak fo o cofel ole Roog nen ci’it, too xan i ñoow, soo maadoox yaam o leng kut oxeene.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

1Saŋ 2:25

Ke ta regna a in refu ndegit ne no ñoow o fagkeer ole.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

O leetar ole Pool a bindna GIMU WE NGENNA ROM 6:12

Yaaga boog, baa bakaad fee a maadooxat muk kam cer qooxon ke nuun, too ba nu ndeefat ke da yaawaa.

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.