O leetar ole Pool a bindna GIMU WE NGENNA ROM 5:2 - NQAARIIT NE ROOG

² No ten, i mbaagata o matiid na yirmande fee Roog na pexey o ngim onqe. Yirmande feene refu ngenand in ndiiki, too kaa i mbelakinooxaa, yaam i yaakaaraa yee xan i ndaaw o ndam onqe Roog.

O leetar ole Pool a bindna GIMU WE NGENNA ROM 5:2 Referans Kwoze

Efees 2:18

Yaaga boog, na pexey Kiristaa, in fop, o Yaawuur fo o tefee o Yaawuur, i mbaaga o ngeenoox mbaambir Roog Faap fee na pexey Yiif leng kut le.

Efees 3:12

Yaam ne i mbogna na Kiristaa, i njega njambaar naa i ngeenooritna mbaambir Roog. I mbaagaan o mbi fo a koolax a teyu sik, yaa i ngimna no ten.

1 Korint 15:1

Fog es, ndiiki kaam bug o wetand a nuun Yegil mbaax ne yegnuuma a nuun, too nu njaɓin, ñaaƴaa teen, njof mbaambir,

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

YEGIL MBAAX NE YEESU ne Saŋ a bindtuuna 10:9

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

O leetar ole Pool a bindna GIMU WE NGENNA ROM 5:5

Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

O leetar ole Pool a bindna GIMU WE NGENNA ROM 3:23

Fop a mbakaada boo a ñak o ndam onqe Roog,

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

YEGIL MBAAX NE YEESU ne Saŋ a bindtuuna 10:7

Yeesu a dakooxa o lay a den ee: «No ndigil, no ndigil, mexe layaa a nuun ee: Mi refu ndokand ne no paal ke.

A kim a tedu ke 73:24

Kaa o ɗoxtaxam yuuƥ of, boo pafat o jangaam no ndam of.

Mbeeñil 21:11

Teeru feene koy, o ndam onqe Roog a taxa ta meleƈaa. O mosel um kaa nandtoogu nen ɓil jafeñu hoƥu laa ne’eena yaspe, a mirmirnaa nen galam fo jem.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

O leetar ole Pool a bindna GIMU WE NGENNA ROM 8:24

I mucle boo ƈut, ndaa boo ndiik kaa i ndef no yaakaar. Kaa koy ke ga’oona boo ƴut refatee yaakaar. An na moofkaa a yaakaaraa ke ta ga’na boo a ƴut?

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

Mace 25:21

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

Efees 6:13

Ten taxu nqotyo ndiiki ƥonax ke Roog fop. Neene, boo andoona yee ñaal mbaaxeer ne a gara, xan nu mbaag o nqox oxe fodna a nuun mbaambir, too saƭik a cinj yaa nu maafna fop.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

O leetar ole Pool a bindna GIMU WE NGENNA ROM 14:4

An refo boo hate’aa o tag no lakas? Mee ndax a jofa a jofeer, a ƭat no yaal mbind um oo. Too sax xan oxeene a jof, yaam o Yaal oxe a jega doole faa ta geenooruuna.

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

Habakuk 3:18

Mi o mat, kaam felakinooxaa no Yaal oxe, ɗaay na Roog fee na mucilkaxam.

O leetar ole Pool a bindna GIMU WE NGENNA ROM 11:20

Keene ndigil kak oo de! Kaa a naaq ake a ƭeg’el yaam o ñak o ngim den, soo wo o mat o dugandel na seek den yaam o ngim of. Kaa koy, ba o laasoox na dara. Kaa o war o saɗar kañ,