O leetar ole Pool a bindna GIMU WE NGENNA ROM 5:18 - NQAARIIT NE ROOG

¹⁸ Tooñ no leng kut oxaaga taxu a qaw ale a dal took no wiin we fop. Neene itam, na pexey a pi a cofu leng kut ale no xeene, o cofel ole Roog kaa ci’aa wiin we fop o ñoow.

O leetar ole Pool a bindna GIMU WE NGENNA ROM 5:18 Referans Kwoze

1 Korint 15:22

Na fa nqon, fop o jaf Aadama a ndeefu, fop a nar o ndeef o jaf Kiristaa, a nqontoox,

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

O leetar ole Pool a bindna GIMU WE NGENNA ROM 5:15

Den ɗik koy mbodree, yaam yirmande fee Roog a ci’na a in nandee fo tooñ ne Aadama. A woora yee mayu a nqona yaam tooñ no kiin o leng kut oxeene refna Aadama. Kaa koy, yirmande fee Roog fo ke ta ci’na wiin mayu na pexey o kiin o leng kut oxe refna Yeesu Kiristaa ngupu bakaad fee fo ke ta ɓisiidna.

O leetar ole Pool a bindna GIMU WE NGENNA ROM 5:19

Nanaƭar no kiin o leng kut oxe taxu wiin mayu a ndefat baabakaad. Neene itam, yaam o kiin o leng kut oxe nananna a Roog, mayu xan a ƭeetel nen jofu.

A pi ake 13:39

Neene itam, oxuu gimna no ten, a ɗeete nen o cofu yaam o ten. O cofel o nandu neene koy, nu mbaagiran o njegit na pexey kebil ke Moyiis.

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

O leetar ole Pool a bindna GIMU WE NGENNA ROM 4:25

Kaa Roog a ɓoxotin na fa nqon yaam tooñ in, soo a xontooxnoorin, ndax ta jofand a in.

YEGIL MBAAX NE YEESU ne Saŋ a bindtuuna 1:7

Kaa gar’u ndax ta ref o seede, a lay ke ta andna na qoolaand ale ndax fop a mbaag o ngim na pexey fa lay um.

YEGIL MBAAX NE YEESU ne Saŋ a bindtuuna 12:32

Mi koy, boo andoona yee yoɗteem no lanq ke, xam qic wiin we fop na mi.»

1Saŋ 2:20

No ke farna na nuun koy, o Tedu xe a daawna a nuun Yiif um, too nuun fop, nu njega o and.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

YEGIL MBAAX NE YEESU ne Saŋ a bindtuuna 3:26

A ngara me Saŋ, soo a layin ee: «O Caajangin oxe! Oxe reeƭna fa wo ye i ndefaa kaltaa o xuluɓ ole Yordaan, too o seede’an’un de, kaa batiise’aa ndiiki. Wiin we fop, maaga a njoobatu.»

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.