O leetar ole Pool a bindna GIMU WE NGENNA ROM 5:17 - NQAARIIT NE ROOG

¹⁷ Tooñ no leng kut oxaaga taxu fa nqon fee a maadooxaa na pexey o kiin o leng kut oxaaga. Kaa koy, na pexey o leng kut itam, ta ref Yeesu Kiristaa, i ndaawtaa kaa moƴna. I ndaawa yirmande fa maak fo o cofel ole Roog nen ci’it, too xan i ñoow, soo maadoox yaam o leng kut oxeene.

O leetar ole Pool a bindna GIMU WE NGENNA ROM 5:17 Referans Kwoze

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

1 Korint 15:49

Ne i ndefitna nitaal no xe lanq, neene i ndefitkaa nitaal no xe na asamaan.

YEGIL MBAAX NE YEESU ne Saŋ a bindtuuna 10:10

O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

Mbeeñil 20:6

We na njegkaa a las na qontax a eetaand ale a ƭaaya, too xan a mbarke’el. Fa nqon fa ƭikandeer fee waagkee na den tus, too xan a ndef waa na ƥoxotanaa a Roog fa Kiristaa sadax, a maadoox fa Kiristaa boo xa kiid juni.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

1 Korint 4:8

Kaa nu ñof boo njeg ke nu mbugna fop, njegat halal, ndef maad, mbaas a in? Koo qoyni, ƥekyo a in no maat nuun boog!

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

Mberaand 2:17

bo ta yoqaa ndaxar ne na andnooraa paax fo paaxeer, yaam a mbanuu moɗoona xa tim axe ten, xan o xon.»

O leetar ole Pool a bindna GIMU WE NGENNA ROM 5:15

Den ɗik koy mbodree, yaam yirmande fee Roog a ci’na a in nandee fo tooñ ne Aadama. A woora yee mayu a nqona yaam tooñ no kiin o leng kut oxeene refna Aadama. Kaa koy, yirmande fee Roog fo ke ta ci’na wiin mayu na pexey o kiin o leng kut oxe refna Yeesu Kiristaa ngupu bakaad fee fo ke ta ɓisiidna.

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.