O leetar ole Pool a bindna GIMU WE NGENNA ROM 5:16 - NQAARIIT NE ROOG

¹⁶ Ci’it Roog neene koy fodree fo tooñ ne o kiin o leng kut oxe a fi’na. Cinj tooñ leng kut neene, hate fee ɓisiidna a qaw ale Roog a gara. Kaa koy, a cinj tooñ mayu, ci’it Roog ne jombna a in a feeñla ɓur in.

O leetar ole Pool a bindna GIMU WE NGENNA ROM 5:16 Referans Kwoze

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

Saak 2:10

A soƥangaa koy sax ee o kiin a fadna kebil ke Roog fop boo ta yoq leng, yaaga a ɗapa ke yoqna fop.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

1 Korint 11:32

Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

Mace 6:14

Nu naangangaa o mbaasanaa we tooñna a nuun, Faap nuun fee na asamaan xan a waasan a nuun itam.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,