O leetar ole Pool a bindna GIMU WE NGENNA ROM 5:13 - NQAARIIT NE ROOG

¹³ Bakaad a reeƭa kam adna fee yaaga Roog cooxafulee a Moyiis kebil ke, ndaa ye kebil ke a ngarafuleerna, Roog ɗeetoogee bakaad fee.

O leetar ole Pool a bindna GIMU WE NGENNA ROM 5:13 Referans Kwoze

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

1Saŋ 3:4

Oxuu genna na bakaad, a ɗapa kebil ke Roog itam, yaam bakaad refu ɗap kebil ke.

Mberaand 38:10

Ke ta fi’oogna a feƭar’a o Yaal oxe, soo ta warin, ten itam.

Mberaand 38:7

Eer fee refna taaw Yudaa koy kaa soxod’u lool na kid no Yaal oxe. Ten taxu, o Yaal oxe a waraan.

Mberaand 19:32

Fat i yerin a faap in biiñ, soo mbondoox fo ten, ndax ta jeg xa taan.»

Mberaand 19:4

Ye da maadna o ngirnaa, goor we na teeru fee ngenna Sodoom fop, maak fo xa caaƈ, a ngara, a mbid mbind ne Lot o kurul-keƥ. Fop maaga a nqetiid’u.

Mberaand 18:20

O Yaal oxe a laya a Abraham ee: «Ƭomatax ne took Sodoom fa Gomoor a ɗoma tigi, too bakaad den a magna lool!

Mberaand 13:13

Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 6:11

Wiin we kaa laawoox’u mbaambir Roog, lanq ke a may fo a pi a yednu.

1Saŋ 3:14

I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

Mberaand 19:36

Xa ƥiy xa tew xa ƭaq axe Lot a mbuda, a nqottin na faap den.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.