O leetar ole Pool a bindna GIMU WE NGENNA ROM 5:11 - NQAARIIT NE ROOG

¹¹ A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

O leetar ole Pool a bindna GIMU WE NGENNA ROM 5:11 Referans Kwoze

O leetar ole Pool a bindna GIMU WE NGENNA ROM 5:10

Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

Kolos 2:6

Neene boog, ne nu njaɓna a Kiristaa Yeesu nen o Yaal nuun, ñoowyo fo ten.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

A kim a tedu ke 104:34

Yaasam ke layuuma a felin! Mi kat kaam felakinooxaa no Yaal oxe.

A kim a tedu ke 43:4

Maaga, xam matiid o sadaxand ole wo, matong, wo Roog fee o ɗaay es fo o mbelakinax es, soo xilmbanang, wo Roog fee refna Roog es.

A kim a tedu ke 32:11

Nuun jofu we, mbelakinooxyo no Yaal oxe too ndef no ɗaay. Njibinyo xa soroxole, nuun fop we a qeeñ nuun a njofna.

1 Sami’el 2:1

Xaan a simata o Yaal oxe too a lay ee: «Xeeñ es kaa felakinooxaa no Yaal oxe. O cok es oxe took yaam o ten, waagataam o jal fañ es. Kaam felakinooxaa no ten fee ƴufgaxama.

Filip 3:1

Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

1 Korint 10:16

O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

O leetar ole Pool a bindna GIMU WE NGENNA ROM 11:15

Yaam ye Roog a deɓna Yaawuur we, a weta o gom, ndax qeet lakas ke na adna fee fop a njofoor fo ten. A gisatinangaa a den koy, xar na xewkaa? Ndax refkee a qontax ale no xon we?

O leetar ole Pool a bindna GIMU WE NGENNA ROM 2:17

Kaa o ne’ooxaa o Yaawuur, wo fee saaƭooxna no kebil ke Roog, soo fakoortaa a Roog of,

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

YEGIL MBAAX NE YEESU ne Lik a bindtuuna 1:46

Maaga, Mari a xaana yee: «O laaw es oxe simataa o Yaal oxe,

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

O leetar ole Pool a bindna GIMU WE NGENNA ROM 5:3

Kupu keene sax, kaa i moƴ o mbelakinooxaa kam coono ke, yaam i anda yee coono na rimaa o saƭkel,

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

O leetar ole Pool a bindna GIMU WE NGENNA ROM 9:10

Kaa jolna keene sax, fat i nqalaat ke xew’ina na Rebeka. Xa ƥiy xa ƭaq axe ta rim’ina mbog’u faap fa leng kut, refna ref a Isaak fee o taan in.

2 Korint 8:19

Kaa jolna keene sax, pokatax ke no gimu we njilun, ndax ta yoon fa in yaa i ƥisaa o ndimle nqeene i ngadneena, yaam o ndam no Yaal oxe. Neene i laltitaa itam ne i mbugitna o ndimle lakas we.