O leetar ole Pool a bindna GIMU WE NGENNA ROM 5:10 - NQAARIIT NE ROOG

¹⁰ Kaa i ndeeƭu fañ Roog, ndaa fa nqon fee no Ƥeem a jofooranda a in fo ten. Njofoor neene taxu a qontax ale no Ƥeem waagkee o ñak o mucil a in.

O leetar ole Pool a bindna GIMU WE NGENNA ROM 5:10 Referans Kwoze

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

Efees 2:16

Na pexey fa nqon um took a kurwaa le, Kiristaa a ñufa mbuuxoor ƭomu neene. Na pexey a kurwaa le ten a fokata xa kurcala xa ƭaq axeene, da ndefat njer leng kut, soo a jofooratin a den fa Roog.

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

O leetar ole Pool a bindna GIMU WE NGENNA ROM 8:7

We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

O leetar ole Pool a bindna GIMU WE NGENNA ROM 11:28

Ne Yaawuur we a mbañna Yegil mbaax ne koy, fañ Roog a ndefatu, ta ref na nuun paax, nuun we ndefeerna Yaawuur. Kaa koy, ne Roog a jilna a den, a maada o fexaa a den boo xaye yaam daan we den,

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

YEGIL MBAAX NE YEESU ne Saŋ a bindtuuna 14:19

Miñkatee dara, adna fee nga’katiraam, ndaa nuun, xan nu nga’aam, yaam mexe ñoowaa, too nuun itam xan nu ñoow.

YEGIL MBAAX NE YEESU ne Saŋ a bindtuuna 6:57

Oxuu ñaamaxama, xan a ñoowit na mi, ne um ñoowtaa na Faap fa ñoow jok fee lulaxama.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

YEGIL MBAAX NE YEESU ne Saŋ a bindtuuna 5:26

Yaam ne Faap fee fa xoox um a ñoownitaa, a ci’tu o Ƥeenqe itam ta ñoownaa.

Heseki’el 45:20

Xan o fi leng kut ke no ñaal ɓetuu ƭikandeer ne no nqool onqe, no kiin oxe bakaadna too diyiran mbaat ta ñak o and teen tig. Neene, xan o ɓogid Mbind Roog ne.

2 Caloori ke 29:24

Saasadax we a nqirsa a den soo a mbiis fo’oy le took o sadaxand ole nen sadax fa mbaasnoor pakaad fee na xeet fee Isra’el fop, yaam o maad oxe kaa lay’u yee sadax toxel ke fa sadax fa mbaasnoor pakaad fee, Isra’el fop a refankaa.

O leetar ole Pool a bindna GIMU WE NGENNA ROM 5:6

Kaa hupna keene sax, ye i maadaa fo o neew doole in, Kiristaa a xonana jofaƭaru we na waxtu fee Roog a liiƥ’ina.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.