O leetar ole Pool a bindna GIMU WE NGENNA ROM 5:1 - NQAARIIT NE ROOG

¹ Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

O leetar ole Pool a bindna GIMU WE NGENNA ROM 5:1 Referans Kwoze

Esayi 32:17

O cofel ole xan a rimaa jam, a gartaa a ñootnax fo o woor boo faw.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Kolos 1:20

Na Kiristaa, Roog a fi’u fop a njofooratin fo ten, a xotit no ke refna took lanq ke boo no ke refna na asamaan, a njamsa’oor fo ten na pexey fo’oy um le ta ɓaxna na kurwaa.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

2 Tesalonik 3:16

Yaasam o Yaal oxe saqna jam, a ci’oodaa a nuun jam kili fo no nuu ta waagna waag o refit. Kaam ee yaasam o Yaal oxe a ref fa nuun.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

O leetar ole Pool a bindna GIMU WE NGENNA ROM 4:5

A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

Esayi 54:13

Xa ƥiy axe wo fop xan a ndef daalbe es, mi o Yaal oxe, too xan a ñoowaa na jam fa baneex.

O leetar ole Pool a bindna GIMU WE NGENNA ROM 15:33

Yaasam Roog fee na ci’taa jam a ref fa nuun, nuun fop. Amiini.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

Esayi 27:5

Kaa koy, oxuu fi’axama ndaɗand, xan a reer fa mi jam, kaam ee xan i njamoor.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

O leetar ole Pool a bindna GIMU WE NGENNA ROM 5:18

Tooñ no leng kut oxaaga taxu a qaw ale a dal took no wiin we fop. Neene itam, na pexey a pi a cofu leng kut ale no xeene, o cofel ole Roog kaa ci’aa wiin we fop o ñoow.

YEGIL MBAAX NE YEESU ne Lik a bindtuuna 19:42

«Wo itam, boo waag’oona o and xaye ke waagoonga o ci jam! Kaa koy, ndiiki kaa mo a kid of.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

YEGIL MBAAX NE YEESU ne Lik a bindtuuna 19:38

Kaa layoogu yee: «O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!»

Esayi 55:12

O ɗaay nu nqotitkaa a ƭat, soo yooneel na jam. Xa coong axe fo a ñaang ake xan a ƈeelaa mbaambir nuun, soo taxar ke na koƥ ale fop a mboxaa.

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

O leetar ole Pool a bindna GIMU WE NGENNA ROM 10:10

Yaam o kiin kaa gimaa no xeeñ um, soo Roog a jofandkan. Kaam ee, o kiin oxe kaa weejlaa o ngim um fo o don um, soo Roog a mucilkan.

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

Habakuk 2:4

Xeet feene kaa magnandoox too njofee. Kaa koy, o cofu xe xan a ñoow, yaam ne ta gimna na Roog.»

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Galati 3:25

Ye jamaane fee no ngim onqe a fadiidna, kebil ke ndefatee o ƭooɗox in.

O leetar ole Pool a bindna GIMU WE NGENNA ROM 10:15

Kaam ee nam a waare’itkeel, yaa o leng a lulaandeena? Yaag oo toox de, a Pind a Tedu ke kaa lay ee: «Ndaw o jaf o mosu, no xaa na yegnitaa yegil mbaax!»

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

Sakari 6:13

Kaam ee ten na maxkaa Mbind ne mi. Xan a ɓoxotel o ndam, a moof no uum-maamaad um, a maadooxan xeet fee. Xan a ref o saasadax no uum-maamaad um, too ƭik ke fop xan a nanoor tigi.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

A kim a tedu ke 122:6

Salanyo a Yeerusaleem jam! Wo Yeerusaleem, yaasam we mbexoonga a ñoowaa no yaadax!

Ke bindeena no xe ne’eena YOB 21:21

Ndi a cinj fa nqon um, xar a ƭat um a yongatu na xa ƥeem?

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,