O leetar ole Pool a bindna GIMU WE NGENNA ROM 4:6 - NQAARIIT NE ROOG

⁶ Neene itam Dawid a laya yee oxe Roog a ɗeetna nen o cofu, too refee yaam ne ta fi’aa a pi a paax, a ɗaaya.

O leetar ole Pool a bindna GIMU WE NGENNA ROM 4:6 Referans Kwoze

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

Esayi 54:17

Ƥonax nuu xawneena ndax ta gaañong faaxkee. Oxuu jamboonga no pind layoor ke, xan o damnoorin. Keene refu a las ale geekanuuma dag es. Keene refu o cofel ole den inoorna na mi, mi o Yaal oxe.»

A kim a tedu ke 112:1

Haleluyaa! Ndaw o ɗaay no xe saɗarna o Yaal oxe too a fex kebil um.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Galati 4:15

Kaa koy, ndi xar xewu? Ne nu sawarit’ina moos! A wooraxam ee nu mbaag’angaan, nu luqitkooga a kid nuun, cooxaam a den.

O leetar ole Pool a bindna GIMU WE NGENNA ROM 4:24

ndaa in itam, teen i mbogu. Neene, in itam, i ƭeete nen jofu yaam ne i ngimna no xe xontooxnoorna a Yeesu fee o Yaal in a ndeer no xon we.

O leetar ole Pool a bindna GIMU WE NGENNA ROM 4:9

Ndax o ɗaay oleene, we nqucooxna soom a refanu? Ndax refanee we nqucooxeerna itam? Mee ndax i laya boo ƈut ee Roog a ɗeeta a Abraham nen o cofu, yaam ne ta gimna?

O leetar ole Pool a bindna GIMU WE NGENNA ROM 3:27

Mam o kiin a waagu o fakoorit? Sen! Xeƈa yaa ta fadnaa ke kebil ke a simitna? Boo muk! Fak le kaa sutel yaam o ngim onqe.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Yeremi 22:6

Keeke o Yaal oxe a layu no kaa jofna no mbind no maad ne Yudaa: «Kaa o nandaam nen xa coc axe Galaad, nen o jul ole Libaŋ! Kaa koy, ndax fi’kiroong a koƥ-a-ƥor, teeru faa o leng a geneerna?

A cangatin ale 33:29

Nuun Ii-isra’el we, nu ƭaaya! Ndi an nandu fa nuun, nuun xeet fee o Yaal oxe a mucilna? Ten refu pegoor ne na ƴufgaa a nuun fo laƥ ne na ci’aa a nuun o ndam. Xan fañ nuun a yis mbaambir nuun, soo nu ndak a den no ndiiñ.»

Mace 25:19

Yaa ta miñna, o yaal mbind no faɗ waa a nomtooxiida, soo a laac a den ke da saqan’uuna.

O leetar ole Pool a bindna GIMU WE NGENNA ROM 4:5

A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.

O leetar ole Pool a bindna GIMU WE NGENNA ROM 4:7

Kaa tee: «We Roog a waasanna njofaƭar den, a uup pakaad den, a ƭaaya.

Saak 2:18

Oxuu na jikooxaa o ngim sang um, o yaal a pi a waaga gar, a layin ee: «Refee kaa o jikooxaa o ngim? Mi koy, a pi a paax saqum. Kaam bug ndiiki o lalaam o ngim of sang um, um laltong o ngim es a pi es.»