O leetar ole Pool a bindna GIMU WE NGENNA ROM 4:25 - NQAARIIT NE ROOG

²⁵ Kaa Roog a ɓoxotin na fa nqon yaam tooñ in, soo a xontooxnoorin, ndax ta jofand a in.

O leetar ole Pool a bindna GIMU WE NGENNA ROM 4:25 Referans Kwoze

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

1 Korint 15:17

too Kiristaa a xontooxangee, o ngim nuun kasaara a refu, too nuun wey no pakaad nuun boo ndiik.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

O leetar ole Pool a bindna GIMU WE NGENNA ROM 5:18

Tooñ no leng kut oxaaga taxu a qaw ale a dal took no wiin we fop. Neene itam, na pexey a pi a cofu leng kut ale no xeene, o cofel ole Roog kaa ci’aa wiin we fop o ñoow.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Esayi 53:4

Yaaga fop toox de, coono in a sufooxu, a roxondoox a cir ake in. I ƭeetaan nen o qawe, nen oxe Roog a xawna, a ñagadilin,

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Hebre 8:3

O saasadax o maak oxuu refna kaa dodel ndax ta ɓoxotaa ci’it fo sadax mbaambir Roog. Ten taxu, o saasadax o maak oxe in itam a war’u o jeg kaa ta ɓoxotna.