O leetar ole Pool a bindna GIMU WE NGENNA ROM 4:20 - NQAARIIT NE ROOG

²⁰ Gimaƭar’ee too mosee o ñak o hooloox ndegit ne Roog, ndaa o ngim um kaa dif’in ta ɓoxot a Roog o ndam.

O leetar ole Pool a bindna GIMU WE NGENNA ROM 4:20 Referans Kwoze

YEGIL MBAAX NE YEESU ne Lik a bindtuuna 1:45

Oxe gimna yee ke layeena no gon no Yaal oxe xan a fadnoox a ɗaaya.»

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

1 Korint 16:13

Ndiiki koy, yetooxyo, saƭik no ngim onqe, ndef goor, too saƭakinooxaa.

Dañel 10:19

Cinj kaaga, a layaxam ee: ‹O koor oxe Roog a fexna, ba o saɗar! Dara damkirang! Saƭakinooxi, jeg njambaar!› Ne ta layoogna fa mi, doole es a nomtooxiida, too layaam ee: ‹O yaal es, layi, yaam saƭakinaxamo.›

2 Timote 2:1

Wo o mat o ƥees, fapoori yirmande fee refna na Kiristaa Yeesu.

Esayi 35:4

Layyo we a qeeñ den a njaqna yee: «Saƭakinooxyo, ba nu saɗar dara, yaam Roog nuun oxey a garaa, ndax ta rabdinoox, a ɓoxot oxuu refna a pi um. Oxe garaa, ten fa xoox um, ndax ta mucil a nuun.»

Esayi 7:9

Teeru fee Samari, Efrayim soom a waxooxu, soo o ƥeenqe Remaliya a ref kelfa Samari rek. Nu ngimangee, nu mbaagkee saƭik.› »

Sakari 8:13

Nuun mbind Yudaa fo nuun mbind Isra’el, ne nu ndefit’ina saloor a ndeer qeet ke, neene nu ndefitkaa we na mbarke’tateel, a cinj yaa um mucilkaa a nuun. Ba nu saɗar dara ndaa saqyo njambaar!

Sakari 8:9

Saqyo njambaar! Nuun we nanaa ndiiki fa lay fa leng kut fee duleer we a yegnitna no gon es, ye a per ake no Mbind es a ndooneel ndax ta maxatinel. Mi o Yaal oxe Hupna fop layun.

Safe le no tuleer AGE 2:4

Ten taxu mi o Yaal oxe mexe layaa a nuun ee: Ndiiki koy, wo Serubabel, saƭakinooxi, wo Yosuwe fee o ƥiy Yosadak, refna o saasadax o maak oxe, saƭakinooxi, nuun xeet fee no saax le fop, saƭakinooxyo! Ndopyo calel, yaam mexey fa nuun. Mi o Yaal oxe Hupna fop layun.

YEGIL MBAAX NE YEESU ne Lik a bindtuuna 1:18

Sakari a laya malaaka fee yee: «Nam um anditkaa keene? Kaam nogoy, too o tees itam a maaka.»

Mace 9:8

Yaa wiin waa a nga’na kaaga, diid a dama a den, too a ƥoxota a Roog o ndam, ten fee ci’na wiin we sañ-sañ fa mbodu neene.

Dañel 11:32

Xan a soobaa wiin we mbesna a cinj ngiɓoor tedu ne, da saƭik teen. Kaa koy, fop we andna a Roog xan a saƭik no damax den.

2 Maad we 7:19

Jawdiin fee no maad oxe kaa doon’un ee: «A soƥ’angaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise kaa doon’un ee: «Xan o ga’in fo a kid of, ndaa ñaamkino.»

2 Maad we 7:2

Jawdiin fee no maad oxe a doona o kiin Roog oxaa yee: «A soƥangaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise a doonaan ee: «Xan o ga’in fo a kid of, ndaa ñaamkino.»

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

Mberaand 15:6

Abram a gima no Yaal oxe soo ta ɗeetanin o ten nen o cofel.

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,