O leetar ole Pool a bindna GIMU WE NGENNA ROM 4:17 - NQAARIIT NE ROOG

¹⁷ ne a Pind a Tedu ke a laytuuna yee: «Xam fi o ref o taan no qeet mayu.» O taan in a refu mbaambir Roog fee ta gimna. Roog feene kaa ci’aa xon we, da ñoow, soo a heblaa kaa moseerna o jeg, ta feeñ.

O leetar ole Pool a bindna GIMU WE NGENNA ROM 4:17 Referans Kwoze

1 Korint 1:28

Kaam ee Roog kaa jil ke jegeerna o njiriiñ na adna fee fo ke fop a nqeefna fo ke saxeerna, ndax ke saxna a paƴ ndiŋol a luƈtoox.

YEGIL MBAAX NE YEESU ne Saŋ a bindtuuna 5:21

Ne Faap fee a xontooxnoortaa, a ñoowdandaa, neene o Ƥeenqe a cooxtitaa o ñoow oxuu feluuna.

1 Piyeer 2:10

Nuun we andoona yee yaaga «nu ndeeƭee xeet um», ndiiki nu ndefata «xeet fee Roog». Nuun we «ndaaw’eerna yirmande», ndiiki «nu ndaawata yirmande».

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

YEGIL MBAAX NE YEESU ne Saŋ a bindtuuna 5:25

No ndigil, no ndigil, mexe layaa a nuun ee: Waxtu fee xe mbaambir, too a fadiida sax. Waxtu feene refu waxtu fee xon we a nankaa o ñuxur no Ƥeenqe Roog, too we na nankan xan a ñoow.

Hebre 11:12

Neene o mat xa taan xa maytu nen xa qoor axe na asamaan fo nen pep lanq na ƥeeraamb o maag a ndimte na pexey o koor o leng kut, oxaa mat’atna fa nqon bo.

Esayi 55:12

O ɗaay nu nqotitkaa a ƭat, soo yooneel na jam. Xa coong axe fo a ñaang ake xan a ƈeelaa mbaambir nuun, soo taxar ke na koƥ ale fop a mboxaa.

Esayi 48:13

O ɓay es saktum lanq ke, too a ñamaak es fiistum asamaan fee. Mexaay xoyaa a den, da ngakaam ndak fo ndak.

O leetar ole Pool a bindna GIMU WE NGENNA ROM 3:29

Ndi boog Roog o mat, Yaawuur we soom a refanu? Ndax kaa refee itam Roog fee no we ndefeerna Yaawuur? Aha kañ!

2 Piyeer 3:8

Kaa koy, nuun we fexuuma, a jega tig leng kaa nu mbareerna o ñak-o-and, ten refu yee: Mbaambir no Yaal oxe, bes fa leng kaa ref nen xa kiid juni, soo xa kiid juni a ndef nen a bes fa leng.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

1 Timote 6:13

Mbaambir Roog fee na ñoownaa kuu refna fo mbaambir Kiristaa Yeesu fee lay’ina ndigil nqoolu qac maa Poons Pilaat, mexe heblang,

Esayi 44:7

An nandu fa mi? Fat a yegnitin too a feednaam o ten. No kaa xotitna yaa sakuuma xeet fee yaaga, fat a yegnit ke xewna fop boog fo ke na xewkaa itam.

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

O leetar ole Pool a bindna GIMU WE NGENNA ROM 9:26

Me da laytoogeena yee: ‹Nu ndefee xeet es›, maaga, xan a nqoyateel xa ƥiy Roog fa ñoow jok fee.»

Esayi 49:12

Den oo weene na mbadiidaa, koƭu a nomtoortiidu, wene no ɓemb-roog o janoon, waana no mudand, weeke no saax laa Siniim.»

Esayi 43:6

Xam lay o ɓemb-roog o janoon ee: ‹Cooxti a den›, soo o ɓemb-roog o ñamaak, um layin ee: ‹Ba o geek a den.› Nomtitiidyo xa ƥees xa koor na saax a koƭu ke, soo xa ƥees xa tew no cat adna.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

1 Korint 15:45

Keene o mat taxu ta bindel ee: «Aadama fee refna o kiin o eetaand oxe a dalfooxa o saq o laaw.» Aadama fa mbalakaand fee koy, yiif laa na ñoownaa a refu.

O leetar ole Pool a bindna GIMU WE NGENNA ROM 4:2

A soƥangaa yee Roog kaa jofand a Abraham na pexey a pi um, yaaga Abraham a waag’a o fakoox. Kaa koy, waagiran mbaambir Roog,

A pi ake 15:18

Keene mat o Yaal oxe a layu, too ten andnoorun no mberaand naa.› »

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Mberaand 17:20

No kaa farna na Isma’el koy, nanaaxoong, xam barke’in, ci’in xa taan xa mayu. Xan gelwaar xarɓaxay fo gelwaar ɗik a ngat no ten, too xam fi no ten xeet fa maak.

Esayi 51:2

Ƭeetyo Abraham fee o taan nuun fa Saara fee axna a nuun. Abraham jeg’ee o ƥiy o leng ye xoyanuuma, ndaa barke’aanum, fi’in o taan na xeet fa maak.»

O leetar ole Pool a bindna GIMU WE NGENNA ROM 4:18

Abraham a gima na Roog, a yaakaaraa maa yaakaar a jegeerna sax. Ten taxu, a ref’ata o taan no qeet mayu, ne Roog a laytuuna o ten ee: «Neene o mat xa taan of a mbodkaa.»

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

Hebre 11:3

No ngim onqe i andtu yee Roog saku adna fee na pexey fa lay um, a tax ke na ga’eel a sutoor no ke waagaandeena o ga.