O leetar ole Pool a bindna GIMU WE NGENNA ROM 4:16 - NQAARIIT NE ROOG

¹⁶ Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

O leetar ole Pool a bindna GIMU WE NGENNA ROM 4:16 Referans Kwoze

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

O leetar ole Pool a bindna GIMU WE NGENNA ROM 9:8

Keene kaa tekit ee fog no tim ole Abraham soom taxee o ref o ƥiy Roog. Xa ƥeem ndefu we mbogna na tegit ale, too sax weene a ƭeete tigi nen xa taan axe Abraham.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

O leetar ole Pool a bindna GIMU WE NGENNA ROM 15:8

Kaam ee, Kiristaa kaa gar, a refat o tag no Yaawuur we, ndax ta feeñil a den ne Roog a gore’itna. Keene kaa jeg, ye ta fadinna ke Roog a reg’ina daan waa den.

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

Esayi 51:2

Ƭeetyo Abraham fee o taan nuun fa Saara fee axna a nuun. Abraham jeg’ee o ƥiy o leng ye xoyanuuma, ndaa barke’aanum, fi’in o taan na xeet fa maak.»

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

YEGIL MBAAX NE YEESU ne Lik a bindtuuna 19:9

Yeesu a doonaan ee: «Xaye sax a muc ale a rokiida no mbind nene, yaam o koor oxene o ndaan Abraham oo.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.