O leetar ole Pool a bindna GIMU WE NGENNA ROM 4:15 - NQAARIIT NE ROOG

¹⁵ Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

O leetar ole Pool a bindna GIMU WE NGENNA ROM 4:15 Referans Kwoze

O leetar ole Pool a bindna GIMU WE NGENNA ROM 5:13

Bakaad a reeƭa kam adna fee yaaga Roog cooxafulee a Moyiis kebil ke, ndaa ye kebil ke a ngarafuleerna, Roog ɗeetoogee bakaad fee.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

Galati 3:19

Xar taxu kebil ke boog? Kaa ndoon’el teen, ndax da lal wiin we yee kaa ƭapaa ke Roog a bugna boo neene o ndaan onqe jegna ndegit ne a garu. Kebil keene, o ndok-a-ndeer eet’un o daawit no malaaka ke, soo a daawnin wiin we.

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

1Saŋ 3:4

Oxuu genna na bakaad, a ɗapa kebil ke Roog itam, yaam bakaad refu ɗap kebil ke.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

YEGIL MBAAX NE YEESU ne Saŋ a bindtuuna 15:22

Um layiid’angee fa den, njegkoogee bakaad, ndaa ndiiki, ye da andna ndigil ne, soo a mbañin o ndeef, njegkee qañatiloor.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Kolos 3:6

Keene o mat na taxaa fuux le Roog a dal took we nanaƭarna.

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

A ƭomatax ake 2:22

Xoyaa me mi fop we saɗarooguuma, ndax da mbumbaay. Na bes fee no fuux le wo, wo o Yaal oxe, jegee oxaa mucna mbaat oxaa ɓostooxna. We waadin’uuma soo yar a den, o pañ oxe mi a saŋka a den.

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

2 Maad we 22:13

«Ndetyo laamtankaam o Yaal oxe, mi fa xeet fee Yudaa fop, no kaa farna no ke layeena no safe lene sogna o ga’eel, yaam fuux le no Yaal oxe a magna lool. Ne daan in a nananeerna fa lay fee no safe lene too ndeefee fop ke i mbindaneena teen taxu fuux le no Yaal oxe a ɓiltooxan a in.»

A lim ale 32:14

Ndiiki koy, kaa nu mbug o ndeef o jaf no daan nuun, xa ƥiy no baabakaad we nu ndefna, soo njumband fuux le no Yaal oxe took Isra’el.

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.