O leetar ole Pool a bindna GIMU WE NGENNA ROM 4:14 - NQAARIIT NE ROOG

¹⁴ A soƥangaa yee o kiin kaa daawaa lam ne yaam ne ta reefaa kebil ke, yaaga o ngim onqe kasaara yoo, too a tegit ale Roog a ñufe.

O leetar ole Pool a bindna GIMU WE NGENNA ROM 4:14 Referans Kwoze

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

Hebre 7:28

Kebil ke Moyiis, we neewna doole a ndodaa nen saasadax maak. Kaa koy, fa lay fee na taaƥ ale Roog garna cinj kebil ke, kaa dod o Ƥeenqe ñakna sik boo faw nen o saasadax o maak.

Hebre 7:19

yaam kebil ke Moyiis mbaagee o tax o leng a ñak sik. Kaa koy, yaakaar ne moƴna a jega, too a taxa i matiid a Roog.

Galati 2:21

Fañkiim yirmande fee Roog, yaam a reeƭangaa yee o kiin a waaga ɗeetel nen o cofu mbaambir Roog yaam ne ta fi’aa ke kebil ke a layna, Kiristaa dey’ee o xon.

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

Esayi 55:11

neene a nandu na fa lay fee na sutooraa no don es. Nomtooxiidkee na mi o ƥor too fadnee ke buguuma, a fadin ke taxna um lulin.

Galati 5:4

Nuun we na ndeefaa ke kebil ke a layna, ndax Roog a ɗeet a nuun nen jofu, nu nqaaje fa Kiristaa, too nu ñaka yirmande fee Roog itam.

Yeremi 19:7

No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.

A kim a tedu ke 119:126

O Yaal oxe, fadaa o fesoor tig, yaam a cangin of a ƭape.

A lim ale 30:15

A soƥangaa yee o kor um a yegaan soo a tiimtin na bes fee ta yeguuna, a nanda nen a jaɓaan, yaam ne ta layeerna o teem dara.

A lim ale 30:12

soo o kor um a fañin o lay dara, na bes fee ta yeguuna, a wara o fadin ke ta regitna mbaat ke ta xasna.

1 Korint 1:13

Ndax kaa Kiristaa refatee o leng? Kaa Pool a rengel na kurwaa, ndax nu muc, ndi o kiin na nuun kaa batiise’el meen no gon Pool?