O leetar ole Pool a bindna GIMU WE NGENNA ROM 4:13 - NQAARIIT NE ROOG

¹³ Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

O leetar ole Pool a bindna GIMU WE NGENNA ROM 4:13 Referans Kwoze

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

O leetar ole Pool a bindna GIMU WE NGENNA ROM 9:8

Keene kaa tekit ee fog no tim ole Abraham soom taxee o ref o ƥiy Roog. Xa ƥeem ndefu we mbogna na tegit ale, too sax weene a ƭeete tigi nen xa taan axe Abraham.

Mberaand 28:14

Xa taan of xan a mayit nen pep lanq. Xan a ndal no ke xotitna no batand boo no mudand, fo no ke xotitna no ɓemb-roog o janoon boo no ɓemb-roog o ñamaak. Qeet ke no lanq ke fop no xaa faqaqoorna na wo a mbarke’itkeel.

A kim a tedu ke 2:8

Xeɗaam, too xam lasong qeet ke fop da ndef lamel of, o deegoox fop boo no cat adna.

Mberaand 17:16

Xam barke’in, too xam ci’ong fo ten o ƥiy itam. Xam barke’in too xan a rim qeet mayu, maad no qeet mayu a ngat no ten.»

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

A kim a tedu ke 72:11

Maad we fop xan a ngung mbaambir um, qeet ke fop a ndagooxin.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

A pi ake 13:32

In oo, kaa i yegnaa a nuun Yegil mbaax nene: Ke Roog a reg’ina daan we in,

O leetar ole Pool a bindna GIMU WE NGENNA ROM 4:12

Abraham refu itam o taan no xucooxu we ndayeerna no nquc soom, ndaa a ñaaƴaa na ƭooqlaand ale no ngim onqe o taan in Abraham a jeg’ina yaaga xucooxafulee.

Hebre 7:6

Kaa koy, Melkisedek fee fog’eerna no kurcala le Lewi, kaa daawoogu a seek xarɓaxayandeer ale no ke Abraham a jeg’ina, soo a doon teen, a barke oxe daaw’ina a tegit ake Roog.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.