O leetar ole Pool a bindna GIMU WE NGENNA ROM 4:12 - NQAARIIT NE ROOG

¹² Abraham refu itam o taan no xucooxu we ndayeerna no nquc soom, ndaa a ñaaƴaa na ƭooqlaand ale no ngim onqe o taan in Abraham a jeg’ina yaaga xucooxafulee.

O leetar ole Pool a bindna GIMU WE NGENNA ROM 4:12 Referans Kwoze

A kim ale na kim ake 1:8

Ey, wo fee moƴna mos no rew we, o andangiran, sutooxi reefan xa caf axe no ged le, too gay fo mbambe of paam xa taland axe no gaynaak we.

Xa peƭit axe 2:20

Xoti boog a ƭat no wiin faax we, reef o jaf no jofu we,

1 Piyeer 2:21

No keene sax nu nqoyte, yaam Kiristaa itam a coono’a yaam nuun, too a xaƴana a nuun a lalgand, ndax nu ndeef o jaf um.

2 Korint 12:18

Mi o mat heblu a Tiit me nuun fo o pog oxe yoonna fo ten. Ii, Tiit o mat kaa mos o nax a nuun? Xeƈa boog kaa Yiif leng le ɗoxee a in na ƭat a leng kut ale?

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Ke bindeena no xe ne’eena YOB 33:11

Kaa saarnaam, a gayaa fop ke um fi’aa.»

A kim a tedu ke 47:9

Roog kaa maadooxaa took qeet ke, a moof took uum tedu le ten.

Heseki’el 33:24

«Wo fee o ƥiy no kiin, we ngenna no kefatin kene no fiisel ole Isra’el kaa layaa yee: ‹Abraham o leng a reeƭu, too a jaɓa saax le, too in we mayna gañ cooxe saax le, njegkin.›

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.