O leetar ole Pool a bindna GIMU WE NGENNA ROM 4:11 - NQAARIIT NE ROOG

¹¹ Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

O leetar ole Pool a bindna GIMU WE NGENNA ROM 4:11 Referans Kwoze

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

YEGIL MBAAX NE YEESU ne Lik a bindtuuna 19:9

Yeesu a doonaan ee: «Xaye sax a muc ale a rokiida no mbind nene, yaam o koor oxene o ndaan Abraham oo.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

Galati 6:16

Yaasam jam fa yirmande a ngar took no wiin we na ndeefaa o ga’ooƭ oleene, took xeet fee Roog a watna.

Galati 5:5

In koy, i yaakaara yee xan Roog a jofandit a in o ngim. Keene i cungaa no Yiif Tedu le Roog.

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

Galati 3:7

Yaaga koy, fat nu and xil ee we njegna o ngim ndefu xa taan Abraham tigi.

O leetar ole Pool a bindna GIMU WE NGENNA ROM 10:11

Neene o mat a Pind a Tedu ke a laytun. Kaa dee: «Oxuu gimna no ten, sedkee muk.»

O leetar ole Pool a bindna GIMU WE NGENNA ROM 10:6

Kaa koy, a guutatira fo ke layeena no cofel ole mbaambir Roog na pexey o ngim onqe. Kaa tee: Ba o lay no xeeñ of ee: «An na ŋaaykaa na asamaan?» tee kaa o fudniidaa a Kiristaa.

O leetar ole Pool a bindna GIMU WE NGENNA ROM 10:4

Mee ndax Kiristaa refu muukandoong ne no kebil ke Moyiis, ndax fop we ngimna a njofandel mbaambir Roog.

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

O leetar ole Pool a bindna GIMU WE NGENNA ROM 9:6

Nof es ɗaaɗee o lay muk ee fa lay fee Roog kaa sañtooxaa, ha’aa! Kaa rek, fog na xeet fee Isra’el taxee fog na xeet fee Roog a jilna,

O leetar ole Pool a bindna GIMU WE NGENNA ROM 3:26

Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

YEGIL MBAAX NE YEESU ne Saŋ a bindtuuna 8:33

A ndoonaan ee: «In de, xa taan Abraham i ndefu, too i mosee o ndef o paɗ no kiin. Yaaga koy, nam waago o layit ee xan i mbatel?»

YEGIL MBAAX NE YEESU ne Saŋ a bindtuuna 6:47

No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Mace 8:11

Ten taxu, mexe layaa a nuun ee xan mayu a inoor no batand fo no mudand too xan a mbog o roon fa Abraham fa Isaak fa Yakoob kam Maat ne na asamaan.

Heseki’el 20:20

Tedlandyo pes a ñootnax ke mi, too xan a ndef a ndeer es fa nuun o anddiloor olaa na lalitkaa yee mi refu o Yaal oxe Roog nuun.

Heseki’el 20:12

Cooxaam a den itam pes a ñootnax ke mi nen o anddiloor a ndeer es fa den, ndax da and ee mi refu o Yaal oxe na tedlandaa a den.

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

A sutax ale 31:17

Keene xan a ref o anddiloor olaa na refkaa boo faw a ndeer es fa nuun Ii-isra’el we, yaam mi o Yaal oxe saku asamaan fo lanq no pes ɓetuu fa leng, soo na bes fa ɓetuu ƭikandeer fee um paang calel es, ñootnoox.

A sutax ale 31:13

ta yegin Ii-isra’el we kebil keeke: «Fat nu niw bes fee na ñootnax ale mi, yaam xan a ref o anddiloor a ndeer es fa nuun na xa taan boo na xa tanaraat, a wetandaa yee mi refu o Yaal oxe jilna a nuun, ndax nu ndef xeet es.

A sutax ale 12:13

Fo’oy le xan a ref o anddiloor no tok ke nu ndefkaa. Um ga’angaa fo’oy le, xam jolandoox a nuun, too jegkee taamaala fa leng faa na saŋikkaa a nuun, yaa um xawkaa saax le Misira.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

Mberaand 17:24

Ye Abraham a xucooxna a soƥ’a ta jeg xa kiid qarɓeen ɓetuu nahik fo xa kiid ɓetaa nahaq.

A kim a tedu ke 47:9

Roog kaa maadooxaa took qeet ke, a moof took uum tedu le ten.

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

O leetar ole Pool a bindna GIMU WE NGENNA ROM 4:10

A mban Abraham a ɗeete nen o cofu? Ndax a soƥ’a ta xucoox boo a ƴut, ndi yaaga xucooxafulee? O haat a soƥ’un kañ.