O leetar ole Pool a bindna GIMU WE NGENNA ROM 4:1 - NQAARIIT NE ROOG

¹ Xar i laykaa boog na Abraham fee o taan in? Xar a daawu nen o kiin?

O leetar ole Pool a bindna GIMU WE NGENNA ROM 4:1 Referans Kwoze

Esayi 51:2

Ƭeetyo Abraham fee o taan nuun fa Saara fee axna a nuun. Abraham jeg’ee o ƥiy o leng ye xoyanuuma, ndaa barke’aanum, fi’in o taan na xeet fa maak.»

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

2 Korint 11:22

Kuu da mbaagna o njikooxaa a nuun rek, waagaanum o jik, ta ref o ref o Hebre mbaat o Ii-isra’el mbaat o fog no kurcala le Abraham, jegee teen dara maa da ndaɗaxama.

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

YEGIL MBAAX NE YEESU ne Saŋ a bindtuuna 8:56

Abraham fee faap nuun a ɗaay’a lool, yaam a yaakaaroogu a kar es soom. A ga’aan itam, too a felakinoox’a.»

O leetar ole Pool a bindna GIMU WE NGENNA ROM 7:7

Xar i mbaru o lay boog? Ndax kebil ke bakaad oo? Ha’aa o mat! Kaa koy de, kebil ke taxu um and bakaad, yaam andkoogiim a yaaw, yaa kebil ke a lay’eerna yee «yaawkiro!»

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

YEGIL MBAAX NE YEESU ne Saŋ a bindtuuna 8:53

Ii, wo hupu o taan in Abraham fee xonna? Duleer we sax a nqona! Ndi mam doono a xoox of?»

YEGIL MBAAX NE YEESU ne Saŋ a bindtuuna 8:33

A ndoonaan ee: «In de, xa taan Abraham i ndefu, too i mosee o ndef o paɗ no kiin. Yaaga koy, nam waago o layit ee xan i mbatel?»

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Hebre 12:9

Mee ndax i njega paap kaa na yaraa a in na adna feeke, too kaa i niwaa a den. Xar na taxkaa boog i nanankee a Faap in fee refna na asamaan, ndax i njeg o ñoow.

O leetar ole Pool a bindna GIMU WE NGENNA ROM 6:1

Xar i laykaa koy? Ndax kaa i maadkaa o ñoowaa kam bakaad, ndax yirmande fee Roog a ɓaatoox?

O leetar ole Pool a bindna GIMU WE NGENNA ROM 1:3

Yegnit um neene koy, kaa jof no Ƥeem onqe fogna no kurcala le Dawid no fo ɓaal,

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?